- ГРОДЗЕНШЧЫНА, Рэгiёны

Прававыя веды – дашкалятам

З мэтай фарміравання прававых ведаў у дашкалят у яслях-садзе № 10 Навагрудка прайшоў дзень прававых ведаў Казачны калейдаскоп.

 

Выхаванцы адправіліся ў віртуальнае падарожжа па казках, дзе на прыкладах убачылі, як выконваюцца правы літаратурных герояў. Праглядаючы фрагменты з мультфільмаў, адгадваючы загадкі, слухаючы ўрыўкі з твораў, хлопчыкі і дзяўчынкі пабывалі ў самых розных казках, якія яны добра ведаюць.

Асаблівую цікавасць у дашкольнікаў выклікала рашэнне праблемных сітуацый ад свайго імя або імя героя. Так, дзецям было прапанавана паразважаць на такія тэмы, як “Калі б я быў брыдкім качанём”, “Калі б я злавіў залатую рыбку”, “Калі б я раптам ператварыўся ў…”.

 

Замацавалі атрыманыя веды выхаванцы гульнёй “Я дзіця! Маю права”. Малыя яшчэ раз успомнілі правы казачных герояў, пра якія ішла гаворка на занятку, і да кожнага права падабралі адпаведную карцінку-значок.

Людміла ДАВІДОВІЧ,
педагог-псіхолаг ясляў-сада № 10 Навагрудка

 

  

 

Поделиться ссылкой:

About Наталья

Read All Posts By Наталья

Пакінуць адказ