Працэнт пажараў з-за дзіцячых свавольстваў з агнём даволі высокі, і часта наступствы такіх пажараў трагічныя. Менавіта таму тэма пажарнай бяспекі была абрана для правядзення занятку ў сярэдняй групе № 3 Дашкольнага цэнтра развіцця дзіцяці № 1 Навагрудка.
Мэтай занятку было пашырыць уяўленні дзяцей пра агонь, навучыць выконваць правілы пажарнай бяспекі, расказаць пра нялёгкую працу пажарных, пра тое, як паводзіць сябе, калі здарыцца пажар.
Дзеці з цікавасцю адгадвалі загадкі, успаміналі па схемах правілы пажарнай бяспекі, выбіралі прадметы, патрэбныя пажарнаму для працы. Напрыканцы занятка кожны з дзяцей выканаў аплікацыю “Пажарная машына”. З аплікацый дзяцей была створана невялічкая выстава.
Кацярына БУІНСКАЯ,
педагог сацыяльны Дашкольнага цэнтра развіцця дзіцяці № 1 Навагрудка
Предложить публикацию