15 чэрвеня ў дзіцячым аздараўленчым лагеры з дзённым знаходжаннем “Дружба” сярэдняй школы № 5 Смаргоні стартавала змена пад назвай “У горадзе мары”.
Кожны дзень дзеці будуць знаходзіцца на новай “вуліцы”. У канцы кожнага дня на спецыяльных афішах будуць размяшчацца фотасправаздачы, а выхаванцы – узнагароджвацца арыгінальнымі эмблемамі за пэўныя дасягненні на працягу дня.
Першы дзень знаходжання ў лагеры прайшоў на “Вуліцы сустрэч і знаёмстваў”. Дырэктар лагера правяла інструктаж па правілах бяспечных паводзін дома, на дарозе і на вадаёмах. Выхавальнікі атрадаў правялі гутарку пра бяспечныя паводзіны ў лагеры. Дзеці з задавальненнем прынялі ўдзел у гульні “Давайце пазнаёмімся”. Пачалася работа над сумесным банерам-картай горада. Удзельнікі лагера аформілі куткі сваіх атрадаў, прыдумалі назвы і дэвізы. Такім чынам, у лагеры зараз ёсць атрады “Каманда ПЛЮШ” і “Вясёлыя сябры”.
Будзем адпачываць весела і бяспечна!
Ірына САЗОНАВА,
педагог-арганізатар сярэдняй школы № 5 Смаргоні