У аздараўленчым лагеры “Навагародцы” сярэдняй школы № 5 Навагрудка весела і цікава прайшло экалагічнае свята “Прырода – наш дом”. Героямі свята сталі юныя выхаванцы атрада “Навагародцы-Kids”.
У гэты дзень яны былі і адкрывальнікамі таямніц прыроды, і эколагамі – абаронцамі навакольнага асяроддзя, і ўдзельнікамі займальнай гульні-падарожжа “Знаўцы прыроды”.
Дзеці даведаліся, як у прыродзе перамяшчаюцца некаторыя птушкі і жывёлы, а потым самі паспрабавалі паўтарыць “заалагічныя скачкі”. “Агародныя казкі” дапамаглі юным даследчыкам адкрыць таямніцу чырвонага колеру ў памідора, доўгага хвосціка ў радыскі, калючых пупырышак у агурка. Усім выхаванцам запомніўся ўдзел у “экалагічным патрулі”, дзе кожны меў магчымасць ачысціць свой маленькі куток роднай зямлі ад смецця.
Алена ЦІХАНАВА,
дырэктар аздараўленчага лагера “Навагародцы”
сярэдняй школы № 5 Навагрудка
Предложить публикацию