- БРЭСТЧЫНА, Рэгiёны

У “Аграрый” – на працу і адпачынак

 

 

Лагер працы і адпачынку на базе ўстановы адукацыі – адзін з эфектыўных спосабаў арганізацыі вольнага часу навучэнцаў на канікулах. На працягу многіх гадоў у Маларыцкім дзяржаўным прафесійным ліцэі сельскагаспадарчай вытворчасці дзейнічае лагер з дзённым знаходжаннем “Аграрый”.

– Лагер дапамагае арганізаваць цікавы і карысны адпачынак, занятасць і аздараўленне юнакоў, – расказвае намеснік дырэктара па вучэбна-выхаваўчай рабоце ліцэя Аксана Мірчук. – Праграма змены ўдала спалучае розныя справы і мерапрыемствы, якія дазваляюць паспяхова вырашаць многія адукацыйныя і выхаваўчыя задачы.

Кожны лагерны дзень пачынаецца з фіззарадкі. Прадугледжаны таксама рухавыя гульні на свежым паветры.

Юнакі дапамагаюць педагогам у падрыхтоўцы да новага навучальнага года: добраўпарадкоўваюць і прыбіраюць тэрыторыю ліцэя і вучэбнай гаспадаркі, рамантуюць мэблю ў інтэрнаце і інш. Па выніках змены ўсе навучэнцы атрымаюць грашовыя прэміі.

Вялікая ўвага ў лагеры надаецца прафілактычнай рабоце, здароваму ладу жыцця і бяспецы. З гэтай мэтай запланавана шмат сустрэч з прадстаўнікамі розных прафесій і службаў.

Мікалай НАВУМЧЫК,
намеснік дырэктара па вучэбна-метадычнай рабоце
Маларыцкай раённай гімназіі
Фота аўтара

 

 

Поделиться ссылкой:

Пакінуць адказ