10 балаў для матулі

- 12:17ГРОДНЕНЩИНА, Регионы

 

З 8 па 14 кастрычніка ў Вераб’евіцкім дзіцячым садзе – базавай школе Навагрудскага раёна праходзіць тыдзень маці.

Адным з першых мерапрыемстваў тыдня стала акцыя “Дзясятка для маёй матулі”, самы актыўны ўдзел у якой прынялі навучэнцы 7-га класа. Яны атрымалі найбольшую колькасць “дзясятак” па фізіцы. Для гэта гадзеці ў ходзе даследавання вылучалі гіпотэзы і правяралі іх эксперыментальна. Так, навучэнцы прапанавалі спосаб вымярэння аб’ёму цела, якое не месціцца ў мензурку. Вызначылі ўмяшчальнасць чайнай і сталовай лыжкі з дапамогай мензуркі.

Старанныя эксперыментатары атрымалі свае “дзясяткі”. Хлопчыкі і дзяўчынкі высокім балам у гэты дзень радаваліся асабліва, бо атрымаць высокія адзнакі яны імкнуліся перш за ўсё дзеля таго, каб парадаваць любімых матуль. А наогул, сямікласнікі вельмі любяць фізіку, кажуць, што веды і ўменні, якія яны набываюць на ўроках фізікі, дапамагаюць тлумачыць з’явы і вырашаць практычныя задачы, з якімі мы сустракаемся ў паўсядзённым жыцці.

Надзея ДРАНІЦА,
настаўнік фізікі
Вераб’евіцкага дзіцячага сада – базавай школы
Навагрудскага раёна

 

Поделиться ссылкой:

Всю ответственность за содержание сведений в методических и информационных материалах, а также за соблюдение авторских прав несут авторы публикаций.

Добавить комментарий