- ГРОДЗЕНШЧЫНА, Рэгiёны

Свята мам у прытулку

 

У Дзень маці, выхаванцы дзіцячага сацыяльнага прытулку Смаргонскага СПЦ з нецярпеннем чакалі сваіх мам. Загадзя вывучылі прыгожыя вершы, падрыхтавалі прыгожыя букеты з восеньскіх кветак і садавіны.

Адзін хлапчук вельмі перажываў, што прыйдзецца затрымацца ў школе і ён не зможа асабіста павіншаваць маму, таму з дадатковых заняткаў яго адпрасілі.

Любоў да маці ўласцівая кожнаму, але дзеці прытулку асабліва перажываюць, ці прыйдзе іх мама на свята, і адразу з твару спадае напружанне, калі на парозе з’яўляецца знаёмы родны сілуэт. На гэты раз прыйшлі ўсе!

Мамы як правіла не чакаюць ад дзяцей дарагіх падарункаў, а рады увазе і цёплым словам, яны доўга яшчэ прыціскаюць да грудзей самаробныя паштоўкі, дзе яшчэ няўмелым почыркам выведзеныя словы любові.

Падчас танца і гульняў дзеці зазіраюць у шчаслівыя вочы мамы, і ў гэты кранальны момант хочацца верыць, што няма нічога мацней, чым матчына любоў, і што дзеці вернуцца ў свае сем’і і іх сумеснае жыццё яшчэ падорыць тысячы такіх радасных момантаў. Так хочацца пажадаць маці выхаванцаў, каб не пацьмянелі іх вочы, а натхненне, атрыманае ад свята, дапамагло на шляху да выпраўлення.


Ларыса ТАТАРЫНАВА,
дырэктар Смаргонскага СПЦ

 

Поделиться ссылкой:

Пакінуць адказ