У Асінаўшчызненскім яслях-садзе – пачатковай школе Смаргонскага раёна прайшла інтэлектуальна-пазнавальная гульня “Што? Дзе? Калі?”, удзел у якой прынялі навучэнцы 3 і 4 класаў.
Дзеці падзяліліся на дзве каманды – “Юныя следапыты” і “Юныя знаўцы”. Усе ўдзельнікі гульні з задавальненнем акунуліся ў свет цікавых, каверзных, часам пацешных пытанняў. Заданні абмяркоўваліся камандамі бурна і калектыўна. Хлопчыкі і дзяўчынкі змагаліся за кожны правільны адказ і стараліся ўтрымаць перамогу.
У канцы гульні журы падвяло вынікі. Згодна агульнай суме балаў пераможцай была прызнана каманда навучэнцаў 3-га класа “Юныя знаўцы”. Нягледзячы на тое, што дух саперніцтва паміж камандамі прысутнічаў на працягу ўсёй гульні, гэта не перашкодзіла ўдзельнікам застацца ў добрым настроі і сяброўскіх узаемаадносінах.
Развіццё інтэлектуальных здольнасцей, пазнавальных інтарэсаў, пачуцця калектывізму – адна з найважнейшых задач адукацыйнага працэсу. І тут галоўнае – зацікавіць дзяцей. Мы з вучнямі вырашылі, што такую гульню будзем праводзіць у кожнай чвэрці, і ўжо з нецярпеннем чакаем працягу.
Наталля САСНО,
настаўнік пачатковых класаў
Асінаўшчызненскага ясляў-сада – пачатковай школы
Смаргонскага раёна
Предложить публикацию