- БРЭСТЧЫНА, Рэгiёны

Здаровы педагог – здаровыя дзеці  

 

У рамках рэалізацыі комплексу карэкцыйных медыка-гігіенічных мерапрыемстваў “Здаровы дзіцячы сад” у нашай дашкольнай установе адбылася псіхолага-педагагічная гасцёўня “Псіхалагічнае здароўе педагогаў і выхаванцаў”, прысвечаная зняццю эмацыянальнага напружання, зніжэнню ўзроўню псіхічнага выгарання, павышэнню адчування ўласнай значнасці, развіццю навыкаў эфектыўнай камунікацыі і ўзаемадзеяння. 

Удзельнікі заняткаў выказваліся на тэму, дзяліліся ведамі, вопытам і дасягненнямі з калегамі, знаёміліся са спосабамі паляпшэння настрою. Для гэтага выкарыстоўваліся розныя практыкаванні.

 

Педагогі актыўна працавалі ў творчай лабараторыі.

Станоўчыя эмоцыі добра паўплывалі на самаадчуванне ўдзельнікаў. Гэта вельмі важна: калі ва ўласным доме пануюць мір і любоў, імі лягчэй дзяліцца з іншымі. Псіхічнае здароўе педагогаў неабходна не толькі для прафесійнай дзейнасці, але і для здароўя іх выхаванцаў. Здаровы педагог – здаровыя дзеці!

Лілія КНУРЭНКА,
педагог-псіхолаг
ясляў-сада № 4 Ганцавіч

 

Поделиться ссылкой:

Добавить комментарий