Гэтыя словы Цыцэрона сталі эпіграфам тыдня гісторыі і грамадазнаўства, які прайшоў у Юрацішкаўскім яслях-садзе – сярэдняй школе Іўеўскага раёна. Падчас правядзення тыдня навучэнцы мелі магчымасць не толькі прадэманстраваць веды па вучэбных прадметах, але і праявіць сваю фантазію, артыстызм, творчасць.
Адкрыццё тыдня пачалося турнірам знаўцаў права. “Ці ведаеце вы Канстытуцыю Рэспублікі Беларусь?” – пад такой назвай прайшла інтэлектуальная гульня для старшакласнікаў. Вучні ўспаміналі асноўныя законы, па якіх жыве наша дзяржава. Добрае веданне статутаў Канстытуцыі Рэспублікі Беларусь паказалі юнакі і дзяўчаты з 11-га класа.
Уменне працаваць у камандзе прадэманстравалі шасцікласнікі падчас правядзення брэйн-рынгу “Загадкавае Сярэднявечча”. Яны адказвалі на пытанні, звязаныя з найважнейшымі датамі і падзеямі гісторыі, імёнамі гістарычных асоб.
У час правядзення віктарыны “Старажытныя цывілізацыі” пяцікласнікі адгадвалі загадкі, рашалі рэбусы, выступалі ад імя гістарычных асоб, прадстаўлялі малюнкі, на якіх адлюстроўвалі герояў міфаў.
Сярод вучняў 7–10-х класаў вялікую цікавасць выклікала гістарычная латарэя “Гартаем старонкі гісторыі разам”, якая давала магчымасць зарабіць сертыфікат на атрыманне высокай адзнакі па прадмеце.
У выставе газет і крыжаванак прымалі ўдзел навучэнцы 7–8-х класаў. Асаблівай увагай у іх карысталіся матэрыялы на тэму “Роля асобы ў гісторыі”.
У апошні дзень прадметнага тыдня вучні 6–9-х класаў сустрэліся ў “Бітве эпох”, дзе прадэманстравалі веды пра розныя перыяды гісторыі. Маланкавыя адказы на вусныя пытанні раззадорылі гульцоў, каманды рашалі рэбусы, крыжаванкі. Перамогу пакінулі за сабой сямікласнікі.
Пераможцы былі ўзнагароджаны граматамі і дыпломамі, а ўсім вучням педагогі выказалі падзяку за актыўны ўдзел у арганізацыі і правядзенні тыдня гісторыі і грамадазнаўства.
Людміла УС,
настаўнік гісторыі і грамадазнаўства
Юрацішкаўскага ясляў-сада – сярэдняй школы
Іўеўскага раёна