- БРЭСТЧЫНА, Рэгiёны

Паштоўкі ад… еўрапейскіх манархаў

 

Чацвёртакласнік Захар Севярын з сярэдняй школы № 3 Іванава – хлопчык надзвычай цікаўны. Складае мадэлі LEGO, любіць матэматыку і англійскую мову. Ніколі не сядзіць без справы і заўсёды знаходзіць цікавы занятак.

Напярэдадні Новага года Захар вырашыў павіншаваць з надыходзячымі святамі англійскую каралеву Лізавету II і яе сям’ю. Але гэтага яму здалося мала, і ён адправіў паштоўкі яшчэ некалькім еўрапейскім каралеўскім сем’ям.

Два месяцы Захар з нецярпеннем чакаў адказаў. І дачакаўся! Атрымаў паштоўкі з Бельгіі і Манака.

“Мы жадаем табе шчаслівага Новага года і вяселых Каляд”, – гаворыцца ў віншаваннях.

Святлана СЕВЯРЫН,
настаўнік англійскай мовы
сярэдняй школы № 3 Іванава

 

Поделиться ссылкой:

0

Добавить комментарий