- ГРОДЗЕНШЧЫНА, Рэгiёны

Афганістан у лёсах землякоў

 

З 15 па 25 лютага ў Навадворскай сярэдняй школе Свіслацкага раёна праходзіць дэкада“Афганістан у лёсах нашых землякоў”.

 

Па добрай традыцыі юнакі і дзяўчаты прыводзяць у парадак месцы пахаванняў воінаў-інтэрнацыяналістаў нашага аграгарадка. Старшакласнікі расчысцілі ад снегу месцы пахаванняў аднавяскоўцаў, якія ваявалі ў Афганістане.

У першы дзень дэкады ва ўсіх класах прайшлі інфармацыйныя гадзіны, прымеркаваныя да Дня памяці воінаў-інтэрнацыяналістаў. Вучні з цікавасцю і хваляваннем слухалі гістарычныя факты пра краіну Афганістан, пра шлях воінаў-інтэрнацыяналістаў, чыталі вершы, складзеныя салдатамі.

15 лютага навучэнцы 10–11-х класаў прынялі ўдзел у мітынгу “Афганская вайна – жывая памяць”, на якім прысутнічалі ў тым ліку і ветэраны вайны ў Афганістане. Прысутныя запалілі лампадкі і хвілінай маўчання ўшанавалі памяць загінуўшых у афганскай вайне землякоў Віктара Пажарыцкага, Віктара Хаванскага і Уладзіміра Баравіка.

Таццяна САЎКО,
намеснік дырэктара па выхаваўчай рабоце
Навадворскай сярэдняй школы
Свіслацкага раёна

 

Поделиться ссылкой:

+1

Добавить комментарий