Белы рамонак як сімвал здароўя

- 16:32ГРОДНЕНЩИНА, Регионы

 

24 сакавіка ў Вензавецкім дзіцячым садзе – сярэдняй школе Дзятлаўскага раёна прайшла інфармацыйная акцыя “Белы рамонак”. Мерапрыемства прымеркавана да Сусветнага дня барацьбы з туберкулёзам і праводзіцца для прыцягнення ўвагі моладзі да тэм прафілактыкі, ранняй дыягностыкі і лячэння захворвання, а таксама папулярызацыі здаровага ладу жыцця.

Белы рамонак у народнай медыцыне лічыцца прыродным антыбіётыкам, які дапамагае справіцца, у тым ліку, з туберкулёзам.

Валанцёрамі Чырвонага Крыжа сумесна з членамі Маладзёжнага парламента былі створаны “рамонкі”, на “пялёстках” якіх можна было прачытаць пра сімптомы і правілы прафілактыкі небяспечнай хваробы, каб быць узброеным ў барацьбе з туберкулёзам. Удзельнікам акцыі з ліку навучэнцаў і педагагічнага калектыву валанцёры прапаноўвалі адказаць на тэставыя пытанні на тэму прафілактыкі туберкулёзу.

– Наша мэта – прыцягнуць увагу моладзі да праблемы захворвання. Хворы можа заразіць у сярэднім 10–15 чалавек. Ранняе выяўленне захворвання – гэта не толькі неабходная ўмова для хуткага і эфектыўнага лячэння, але і папярэджанне распаўсюджвання інфекцыі, – адзначыла член Маладзёжнага парламента пры Дзятлаўскім Савеце дэпутатаў Аляксандра Клімко.

Арганізатары і ўдзельнікі акцыі спадзяюцца, што атрыманая інфармацыя стала карыснай для моладзі.

Аксана РОЎБА,
настаўнік біялогіі
Вензавецкага дзіцячага сада – сярэдняй школы
Дзятлаўскага раёна

 

Поделиться ссылкой:

Всю ответственность за содержание сведений в методических и информационных материалах, а также за соблюдение авторских прав несут авторы публикаций.

Добавить комментарий