17 красавіка акцябраты Нягневіцкай сярэдняй школы Навагрудскага раёна прынялі ўдзел у абласным этапе ІІ Рэспубліканскага агляду-конкурсу акцябрацкіх груп “Суперзорачка”, які адбыўся ў Абласным палацы творчасці ў Гродна.
Мноства эмоцый, лёгкае хваляванне і шквал апладысментаў суправаджалі хлопчыкаў і дзяўчынак на працягу ўсяго выступлення. Акцябратам патрэбна было прэзентаваць сваю каманду на сцэне, выканаць творчае хатняе заданне, а таксама прадставіць самаробны аб’ект уласнага вырабу.
У конкурсе прымала ўдзел 19 акцябрацкіх груп з розных раёнаў Гродзенскай вобласці. “Праменьчыкам дабра”, а менавіта так называлася наша каманда, якая прадставіла Навагрудскі раён на абласным этапе, выпала нялёгкае выпрабаванне, якое яны прайшлі дастойна.
Па заканчэнні конкурсу акцябратам уручылі дыпломы ўдзельнікаў і салодкія падарункі.
Алена КАТЛОЎСКАЯ,
педагог-арганізатар
Нягневіцкай сярэдняй школы
Навагрудскага раёна
Предложить публикацию