Сапраўднае свята для навучэнцаў школ Смаргоні і Смаргонскага раёна арганізавалі супрацоўнікі раённага цэнтра творчасці дзяцей і моладзі ў першую суботу навучальнага года. Мерапрыемства ўяўлала сабой вялікі кірмаш, на якім кожны кіраўнік прэзентаваў свой гурток.
Падчас мерапрыемства на імпрэвізаванай канцэртнай пляцоўцы ўдзельнікі харэаграфічных калектываў “Карамелькі”, “Піруэт”, а таксама фальклорнага ансамбля “Жалейка” забаўлялі публіку задорнымі песнямі і танцамі.
У пазаўрочны час дзеці рознага ўзросту змогць займацца разнастайнымі відамі творчасці. Тым больш, што арганізаваныя ў цэнтры творчасці гурткі працуюць па розных кірунках. Так, прыхільнікі мастацкага жывапісу, малявання ў новым навучальным годзе змогуць наведваць гурткі “Маляванка”, “АртЛандыя”, “Юны мастак”, а вось будучым спартсменам карысна будзе наведваць гурткі па боксу, аэробіцы і чарлідынгу. Знаўцам прыроды і навакольнага асяроддзя будуць рады ў эколага-біялагічных гуртках “Майстэрня прыроды”, “Экалагічная мазаіка”. І гэта далёка не ўсе кірункі, якія будуць працаваць у новым навучальным годзе ў Смаргонскім раённым цэнтры творчасці дзяцей і моладзі. Уся інфармацыя змешчагна на сайце ўстановы адукацыі.
Да канца тыдня ў цэнтры творчасці будуць ладзіцца Дні адкрытых дзвярэй, каб кожны мог вызначыцца, чым бы ён хацеў займацца і гэты навучальны год для кожнага быў насычаным не толькі вучэбнымі, але і творчымі дасягненнямі.
Вольга ІЛЬІНА,
класны кіраўнік 6 “А” класа
сярэдняй школы № 3 Смаргоні
Предложить публикацию