Віншавалі жыхароў аграгарадка

- 8:37ГРОДНЕНЩИНА, Регионы

17–18 верасня вучні Міжэвіцкай сярэдняй школы Слонімскага раёна віншавалі жыхароў аграгарадка Міжэвічы з дзяржаўным святам – Днём народнага адзінства. 

Інфармацыйныя групы прайшлі па вуліцах аграгарадка і павіншавалі жыхароў са святам, расказалі пра гісторыю яго ўзнікнення і ўручылі памятныя сувеніры.

Педагогі і вучні рыхтаваліся вельмі старанна: вывучалі гістарычныя звесткі, адпаведна ўпрыгожылі школу, складалі тэкст віншававання, малявалі малюнкі і плакаты, вучылі вершы, праглядвалі дакументальныя фільмы, заснаваныя на гістарычных падзеях.

На пазакласных мерапрыемствах сваімі рукамі былі выраблены сувеніры (сімвалічныя птушкі, календары, сцяжкі з элементамі дзяржаўнай сімволікі і інш.).

У рамках акцыі “У адзінстве сіла” школьнікі наведалі Міжэвіцкі сельскі выканаўчы камітэт, паштовае аддзяленне, дом культуры, дзіцячы яслі-сад, сельскую бібліятэку, магазін “Родны кут”. Вучні стараліся нікога не прапусціць, удзяліць кожнаму ўвагу. Хворым з Міжэвіцкай участковай бальніцы былі перададзены асаблівыя падарункі з пажаданнямі моцнага здароўя.

Мы ведаем, што Радзіма ў нас адна, лёс краіны – агульны. Толькі аб’яднаўшы намаганні, мы зберажом мір і дабрабыт на роднай зямлі.

 

Алена ШКУДА,
намеснік дырэктара па выхаваўчай рабоце
Міжэвіцкай сярэдняй школы
Слонімскага раёна

 

Поделиться ссылкой:

Всю ответственность за содержание сведений в методических и информационных материалах, а также за соблюдение авторских прав несут авторы публикаций.

Добавить комментарий