×

Каляды ў коле сяброў

13.01.2020 11:47,

Усе дзеці чакаюць на Новы год цудаў, якія дораць Дзед Мароз і Снягурка падчас рэспубліканскай дабрачыннай акцыі “Нашы дзеці”. У ёй на Маларытчыне ўдзельнічаюць многія арганізацыі, прадпрыемствы і ўстановы, якія віншуюць дзяцей са святамі і дораць падарункі.

У Маларыцкім раённым ЦКРНіР адбылося святочнае мерапрыемства “Каляды ў коле сяброў” з удзелам асаблівых дзяцей і маладых людзей з абмежаванымі магчымасцямі. Навагоднюю гульнёва-забаўляльную праграму падрыхтаваў тэатр “Дзеці сонца”, які дзейнічае ў аддзяленні дзённага знаходжання для інвалідаў і грамадзян пажылога ўзросту Маларыцкага тэрытарыяльнага цэнтра сацыяльнага абслугоўвання насельніцтва, разам з атрадам міласэрнасці “Добрыя сэрцайкі” і дзіцячым фальклорным калектывам “Вытокі” з сярэдняй школы № 2 Маларыты, а таксама праваслаўным сястрынствам пры мясцовым храме.

Акрамя Дзеда Мароза і Снягуркі, на свяце прысутнічалі і казачныя персанажы. Ладзіліся забаўляльныя конкурсы, гучала вясёлая музыка. Усе танцавалі, спявалі, вадзілі карагоды. Напрыканцы ўдзельнікі атрымалі салодкія падарункі.

Мікалай НАВУМЧЫК,
намеснік дырэктара па вучэбна-метадычнай рабоце Маларыцкай раённай гімназіі.
Фота аўтара.