Ганна СІНЬКЕВІЧ
Абласное свята “Піянерыі Беларусі “3:0”, прысвечанае 30-годдзю БРПА, прайшло на Магілёўшчыне. Удзел у мерапрыемстве прынялі дзясяткі хлопчыкаў і дзяўчынак з усіх раёнаў вобласці.
Святочная лінейка пачалася з прыёму ў піянеры акцябрат. Піянерскія гальштукі рабятам павязалі ветэраны, партнёры і сябры арганізацыі. Хлопчыкі і дзяўчынкі ўпэўнена прамовілі словы ўрачыстага піянерскага абяцання.
Падчас свята піянерскія дружыны прадэманстравалі харэаграфічныя і вакальныя выступленні; паўдзельнічалі ў флэш-мобе “БРПА – тэрыторыя дзяцінства”; наведалі ваенную экспазіцыю і музей К.Сіманава Магілёўскага дзяржаўнага прафесійнага агралесатэхнічнага каледжа імя К.П.Арлоўскага, дзе ўсклалі кветкі, Вахтай Памяці і хвілінай маўчання ўшанавалі подзвіг герояў Вялікай Айчыннай вайны. Завяршылася ўрачыстая лінейка запускам у неба паветраных шароў з сімволікай БРПА.
Сёння Магілёўская абласная піянерская арганізацыя аб’ядноўвае звыш 68 тысяч акцябрат і піянераў, рэалізуе праекты “Сустрэчы на ўсе 100!”, “Вотчына.by”, “Піянерскі квіз”, “ЭкаЦімураўцы” і многія іншыя.