Паштоўкі-матыватары як інструмент рэфлексіі ў школьным музеі

Паштоўкі-матыватары – яркія карткі з цытатамі, афарызмамі, парадамі, якія павышаюць узровень маральных якасцей асобы, матывуюць на дзеянне, натхняюць на рэалізацыю планаў і задум.

Таццяна МАРЦЭВІЧ,
настаўнік беларускай мовы і літаратуры
ДУА “Ёдкаўская сярэдняя школа”
Лідскага раёна,
Гродзенская вобласць

Паштоўкі-матыватары могуць быць выкарыстаны ў школьным музеі падчас рэфлексіі, калі пасля экскурсіі наведвальніку неабходна дапамагчы сфарміраваць каштоўнасныя адносіны да прадметаў мінулага, накіраваць на будучую прадуктыўную дзейнасць і ўдасканаліць уласныя маральныя якасці. Такія карткі можна прымяняць не толькі ў рабоце з навучэнцамі, але і з дарослымі.

Прапаную набор паштовак-матыватараў для правядзення рэфлексіі з педагогамі пры правядзенні семінара, падчас выступлення ў рамках педагагічнага савета, майстар-класа ў музеі.

Мэта: фарміраванне сістэмы агульначалавечых і нацыянальных каштоўнасцей, натхненне на рэалізацыю планаў для павышэння якасці выхаваўчага і адукацыйнага працэсу.

Абсталяванне: набор картак з музейнымі прадметамі, шаблоны для паштовак-матыватараў, прыклады цытат, афарызмаў і парад на паштоўках.

Ход правядзення рэфлексіі з паштоўкамі-матыватарамі

Рэфлексія пачынаецца з гульні “Адшукай экспанат”. Удзельнікам неабходна выцягнуць картку з музейным прадметам і знайсці яго ў экспазіцыі музея.

Набор музейных прадметаў для гульні “Адшукай экспанат”

Пры паспяховым выкананні задання “Адшукай экспанат” удзельнік атрымоўвае паштоўку з матывуючай цытатай, якую зачытвае арганізатар рэфлексіі.

Шаблоны для паштовак-матыватараў

Прыклады цытат, афарызмаў і парад на паштоўках-матыватарах

Назва музейнага прадмета	Цытаты, афарызмы і парады на паштоўках-матыватарах
Кошык	Ад прадзедаў спакон вякоў нам засталася спадчына… Беражыце яе!
Пласцінка	У душы кожнага чалавека іграе музыка. Няхай Вашу музыку душы чуюць усе!
Ваза	Не чакайце цуду, будзьце ім!
Дыяпраектар	Жыццё – многасерыйны фільм, сюжэт да якога мы прыдумваем самі. Няхай ён будзе прыгожы!
Фарбы	Любімая работа – гэта майстэрства размалёўваць жыццё яркімі фарбамі. Няхай работа стане творчасцю!
Збанок	Самае дарагое, што вы можаце зрабіць – гэта добра выхаваць сваіх вучняў.
Пёравая ручка	Маленькае слова – мова, але любоў да яе вялікая. Любіце родную мову!
Пісьмо	Пісаць сабе ў будучыню вельмі карысна. Паспрабуйце!
Манета	Хто рана ўстае, таму Бог дае. Любіце кожную раніцу свайго жыцця.
Пярсцёнак	Беларусь – дарагі скарб кожнага беларуса. Беражыце яе, як залаты пярсцёнак.
Цыркуль	Усё добрае прыходзіць да таго, хто даводзіць справы да канца! Дабра Вам!
Гербарый	Прырода – крыніца здароўя і натхнення. Знаходзьце яго нават у засушанай галінцы.
Гузік	Шчасце складаецца з дробных момантаў.
Кніга	Колькі б Вам ні было год, няма нічога лепшага за кнігу ў руках!
Канькі	Не бойцеся марыць, верце ў сябе!
Лыжка	Памяць – гэта не толькі захаванне мінулага. Гэта клопат пра будучыню. Жывіце з клопатам пра заўтра!
Медаль	Найлепшая ўзнагарода – удзячныя вочы вучня. Няхай Вам шанцуе на добрых людзей.
Паштоўка	Радасць у простых рэчах.
Крэмень	Самая моцная крэпасць – любоў да Радзімы. Любіце яе і вучыце гэтаму дзяцей.

У канцы арганізатар звяртае ўвагу ўдзельнікаў на тое, што школьны музей валодае вялікім выхаваўчым патэнцыялам і з’яўляецца асабліва прыдатным месцам для правядзення рэфлексіі з паштоўкамі-матыватарамі. Натхняльныя цытаты вучаць па-новаму зірнуць на жыццё, работу, дапамагаюць дасягнуць новых вяршынь, паляпшаюць эмацыянальны стан, настрой, дазваляюць дасягнуць узаемаразумення паміж людзьмі, прымушаюць задумацца пра сапраўдныя чалавечыя каштоўнасці.