Мэтай урока настаўнік ставіць знаёмства вучняў з прыёмам падбору пры дзяленні двухзначнага ліку на двухзначны лік, адпрацоўку з імі вылічальных навыкаў пры рашэнні выразаў і задач, развіццё ўмення рашаць прыклады спосабам падбору, а таксама выхаванне пачуцця патрыятызму, жаданне падарожнічаць па Беларусі.
Жанна АНТАНОВІЧ,
настаўнік пачатковых класаў
ДУА “Уселюбская сярэдняя школа”
Навагрудскага раёна,
Гродзенская вобласць
Мэта:
– пазнаёміць з прыёмам падбору пры дзяленні двухзначнага ліку на двухзначны лік;
– адпрацоўваць вылічальныя навыкі пры рашэнні выразаў, задач, развіваць уменне рашаць прыклады спосабам падбору;
– выхоўваць пачуццё патрыятызму, жаданне падарожнічаць па тэрыторыі Беларусі.
Тып урока: урок вывучэння новага матэрыялу.
Абсталяванне: малюнкі замкаў, відэаролік пра Навагрудскі замак.
Ход урока
1 Арганізацыйна-матывацыйны этап
– Прачытайце дэвіз урока: “Дзе ёсць жаданне, знойдзецца шлях!”
– Як вы думаеце, чаму сёння ў нас такі дэвіз? (Адказы дзяцей)
2 Вуснае лічэнне
1) Размяркуйце лікі ў парадку памяншэння: 34, 52, 48, 26, 88, 74, 72 (88, 74, 72, 52, 48, 34, 26).
2) Назавіце найменшы лік сярод гэтых лікаў (26) і дайце яму характарыстыку.
3) Прачытайце толькі тыя лікі, якія дзеляцца на 5 (36, 40, 6, 15, 0, 72, 45).
4) Вылічыце 14 × 4 і складзіце ўсе роўнасці на множанне і дзяленне з дадзенага выразу.
4 × 14 = 56 Якім правілам карысталіся? (Ад перастаноўкі множнікаў здабытак не мяняецца);
56 : 4 = 14 Якім правілам карысталіся? (Калі здабытак падзяліць на адзін з множнікаў, атрымаецца другі множнік).
3 Увядзенне ў тэму
– Дзеці, можа хто ведае, як рашыць прыклад тыпу 56 : 14 = ? (прыклад запісаны на дошцы)?
– Якія гэта лікі па саставе? (Двухзначныя)
Праблемнае пытанне
– Што выклікала цяжкасці? (Не ведаем, як падзяліць двухзначны лік на двухзначны)
4 Мэтавызначэнне
– Тэма ўрока “Дзяленне двухзначнага ліку на двухзначны лік”.
– Якую задачу паставім перад сабой на ўроку? (Даведацца, як падзяліць двухзначны лік на двухзначны лік, навучыцца дзяліць двухзначны лік на двухзначны лік)
5 Знаёмства з новым матэрыялам
– Для таго каб падзяліць двухзначны лік на двухзначны, мы спрабуем розныя адназначныя лікі памножыць на дзельнік. Выбіраем лік, пры множанні якога на дзельнік атрымаецца дзялімае. Такі спосаб называецца “спосабам падбору”.
6 Стварэнне алгарытму
– Давайце створым алгарытм дзялення двухзначнага ліку на двухзначны лік, якім вы зможаце карыстацца пры выкананні дзялення двухзначнага ліку на двухзначны лік.
– Закончыце сказы.
Першы крок: паспрабуем…
Другі крок: памножым…
Трэці крок: параўнаем…
Чацвёрты крок: калі адказ і дзялімае супадаюць…, а калі не, то вяртаемся да…
– З якога ліку пачнём падбіраць дзель? (З ліку 2)
56 : 14 = 4
2 × 14 = 28
3 × 14 = 42
4 × 14 = 56
7 Работа па падручніку
№ 1, с. 98 – першы прыклад выконваюць усе разам калектыўна, адзін вучань – каля дошкі; 2 і 3 слупок – па варыянтах самастойна.
Фізкультхвілінка
– Давайце адпачнём. Выканаем гімнастыку для вачэй.
Вучні выконваюць практыкаванні, якія прапануе настаўнік.
8 Этап прымянення новых ведаў
– Для таго каб адпрацаваць вылічальныя навыкі, мы выканаем № 3 на с. 98 (у парах).
– Што такое роўнасці? (няроўнасці).
Узаемаправерка. Ключ для праверкі вывешваецца на дошцы.
– Ці былі ў гэтых выразах прыклады па сённяшняй тэме ўрока?
– А якая тэма ўрока?
– Як неабходна выконваць дзяленне двухзначнага ліку на двухзначны лік?
– Для таго каб замацаваць уменне дзяліць двухзначны лік на двухзначны лік, выканаем заданне № 4 на с. 98 (адзін вучань выконвае на дошцы). Самаправерка.
– Як дзелім двухзначны лік на двухзначны лік?
– Для паўтарэння папярэдняй тэмы я прапаную рашыць задачу № 6 на с. 99 (адзін вучань каля дошкі).
Работа над задачай
Знаёмства з умовай задачы.
– Хто паехаў на экскурсію? (Хлопчыкі і дзяўчынкі)
– Колькі было хлопчыкаў? (42)
– Колькі было дзяўчынак? (33)
– У колькі аўтобусаў селі дзеці? (У тры)
– Што значыць пароўну ў кожны?
– Якое пытанне задачы?
– Можам мы адразу адказаць на пытанне задачы? (Не)
– Што даведаемся спачатку? (Колькі ўсяго дзяцей паехала на экскурсію)
– Якім дзеяннем?
Запіс рашэння задачы.
– Якое пытанне задачы?
– Можам даведацца, колькі дзяцей апынулася ў кожным аўтобусе?
– Якім дзеяннем? (Дзялення)
Запіс рашэння задачы.
– Дзеці, а вы любіце падарожнічаць? Давайце ўспомнім, куды вы ездзілі на экскурсію? Сапраўды, самыя цікавыя экскурсіі – гэта экскурсіі па нашай любімай Радзіме. Хутка канікулы, і мы з вамі таксама паедзем на экскурсію. Я хачу вам прапанаваць экскурсію ў замкі, якія знаходзяцца недалёка ад нашай мясцовасці: Навагрудскі замак, Лідскі замак, Мірскі замак, Любчанскі замак (на дошку вывешваю малюнкі замкаў).
– А зараз я прапаную вам паглядзець відэаролік пра Навагрудскі замак (https://youtu.be/DyvFrGF_dTk).
– Цяпер падумайце і вырашыце, у якім з замкаў вы б хацелі пабыць і чаму.
9 Падвядзенне вынікаў
– Якая была тэма сённяшняга ўрока?
– Чаму вы хацелі навучыцца? (Дзяліць двухзначны лік на двухзначны лік)
– Навучыліся вы дзяліць двухзначны лік на двухзначны лік?
– Як падзяліць двухзначны лік на двухзначны лік?
10 Выстаўленне і каменціраванне адзнак
11 Дамашняе заданне
С. 99, № 1 (1, 2), 2.
Предложить публикацию