Урок па асновах бяспекі жыццядзейнасці ў 5-м класе з выкарыстаннем інтэрактыўнага модуля LearningApps.org, гульні “Медыяазбука” і праверачнага тэсту.
Наталля ЛУК’ЯН,
настаўнік АБЖ
ДУА “Пераганцаўская базавая школа”
Воранаўскага раёна,
Гродзенская вобласць
Тэма: Траўманебяспечныя месцы. Хатні траўматызм.
Форма правядзення: урок-падарожжа.
Мэта:
– пазнаёміць вучняў з траўманебяспечнымі месцамі і мерамі па прадухіленні траўм;
– вызначыць прычыны хатняга траўматызму.
Задачы:
– вучыць прадбачыць бяспеку, пазбягаць яе і пры неабходнасці правільна дзейнічаць; аналізаваць жыццёвыя сітуацыі, у якіх чалавеку можа пагражаць небяспека;
– развіваць уменні працаваць з дадаткамі ў сетцы інтэрнэт: інтэрактыўным модулем LearningApps.org, штрых-кодамі, праграмай для стварэння фотакалажаў MyCollages.ru; даваць аб’ектыўную самаадзнаку сітуацыям;
– выхоўваць пачуццё адказнасці за асабістую бяспеку і бяспеку іншых людзей.
Абсталяванне: праектар, прэзентацыя (медыяазбука “Віды траўм”), фотаздымкі, ноўтбукі па колькасці вучняў, камп’ютар, люстэрка, шкатулка, мабільныя тэлефоны па колькасці вучняў, запіс музычнай фізкультхвілінкі, раздатачны матэрыял.
Прэзентацыя. Медыяазбука “Віды траўм”
Ход урока
І Арганізацыйны момант
Прывітанне.
Прыём “Незвычайнае прывітанне”. Настаўнік звяртае ўвагу на настрой вучняў і прапануе прадэманстраваць незвычайныя спосабы прывітання.
Прыём “Шкатулка пажаданняў”. Вучні выцягваюць пажаданні і адрасуюць іх адно аднаму.
Пытанне класу:
– Якое ключавое слова вы вызначыце ў пажаданнях?” (Здароўе).
– А што трэба для таго, каб быць здаровым? Запішыце адказы на гексах. Вучні робяць вынік, што здароўе для чалавека – найважнейшая каштоўнасць.
ІІ Актуалізацыя папярэдніх ведаў
– Але нярэдка здараецца так, што наша здароўе хістаецца. А чаму? Успомніце, аб чым мы гаварылі на папярэднім уроку? (Аб відах траўм). Так. Давайце цяпер успомнім, што такое траўма.
– А зараз мы з вамі пагуляем. Увага на экран.
Прыём “Медыяазбука” (Слайды 1–6)
– Калі ласка, вазьміце тэлефоны і адпраўце настаўніку імя таго вучня, які, на вашу думку, найлепш справіўся з заданнямі медыяазбукі. (Вучні адпраўляюць імёны ў месенджэры “Viber” і вырашаюць, чаму менавіта той ці іншы аказаўся пераможцам).
ІІІ Вывучэнне новай тэмы
– Цяпер зноў звярніце ўвагу на экран. Давайце прагледзім фрагмент відэа МНС “Волшебная книга” (прагляд з трэцяй хвіліны).
Спасылка на відэа: https://www.youtube.com/watch?v=LLxuHDik6GU
– Паспрабуйце здагадацца, аб чым мы будзем разважаць сёння на ўроку.
– На якім месцы знаходзяцца галоўныя героі?
– Што здарылася і чаму?
– Ці ўсе месцы падыходзяць для гульняў? (Не, ёсць траўманебяспечныя месцы.)
– Чаму гэтыя месцы так называюцца?
– Як вы думаеце, а навошта нам аб гэтым гаварыць, чаму гэта важна?
Запіс у сшытак тэмы ўрока. Пастаноўка мэты настаўнікам і вучнямі (сумесна).
– Перад вамі на дошцы лісты, дзе размешчаны фотаздымкі (кросенс). Ваша задача – разгледзець фотаздымкі і паспрабаваць вызначыць чатыры самыя траўманебяспечныя месцы для дзяцей. (Вучні называюць і запісваюць у сшытак: дом, вуліца, спартыўная пляцоўкі і школа).
– А ці можна, на ваш погляд, працягнуць гэты спіс? (Так.)
– Як вы лічыце, у якім месцы мы часцей за ўсё можам атрымаць траўмы? (Дома, на вуліцы.) А чаму? (Больш часу праводзім менавіта там.)
Аналіз дыяграмы. (Слайд 7)
– А як вы лічыце, чаму адносна нізкі працэнт атрымання траўм у школе?
– Падыміце рукі, хто з вас атрымоўваў траўмы дома?
– Чаму так здаралася? Давайце паспрабуем назваць прычыны хатняга траўматызму і скласці схему на дошцы. Каб вызначыць прычыны, вам можна звярнуцца да фотаздымкаў, а таксама атрымаць інфармацыю са штрых-кода, які размешчаны на дошцы. Сканіруйце інфармацыю і вызначце прычыны.
Састаўленне схемы (Вучні падыходзяць да дошкі, пераварочваюць чысты ліст і тлумачаць прычыну, пацвярджаюць асабістымі прыкладамі з жыцця).
– А зараз кожны з вас возьме па адной-дзве ілюстрацыі і паспрабуе растлумачыць прычыны траўматызму, а таксама даць рэкамендацыі, што трэба зрабіць, каб пазбегнуць траўм.
Фізкультхвілінка “Музычная” (на экране)
Рашэнне сітуацыйных задач (работа ў групе)
– Я прапаную вам пагуляць у гульню “Я ведаю”. На экране будзе прапанавана пэўная сітуацыя з жыцця, вам неабходна сумесна вырашыць і прыняць правільнае рашэнне. (Слайды 8–9)
– Калі ласка, вазьміце мабільныя тэлефоны. Ваша задача – падумаць, якія яшчэ месцы могуць быць траўманебяспечнымі і скласці калаж у спецыяльным сэрвісе. Калажы выслаць мне ў viber.
Аналіз калажаў, тлумачэнне, чаму выбралі гэтыя месцы.
IV Замацаванне
Тэст
Работа з інтэрактыўным модулем LearningApps.org (за камп’ютарамі). АБЖ (“Знайдзі пару”). Прыказкі, тлумачэнне іх сэнсу.
V Рэфлексія
Прыём “Чамадан. Мясарубка. Карзіна”
На дошцы вывешваюцца малюнкі. Вучням прапаноўваецца выбраць, як яны паступяць з інфармацыяй, якую атрымалі на ўроку:
Чамадан – інфармацыя спатрэбіцца ў далейшым, вазьму з сабой.
Мясарубка – інфармацыю яшчэ раз перапрацую.
Карзіна – інфармацыю лічу непатрэбнай.
Аналіз работы на ўроку
Прыём “Люстэрка”
VI Дамашняе заданне
Творчае заданне: з бацькамі пагутарыць на тэму “Першая медыцынская дапамога пры траўмах. Вопыт з жыцця”.
Предложить публикацию