Фальклорнае свята праводзіцца на пляцоўцы дзіцячага сада.
Святлана РАЙБЕ,
музычны кіраўнік
ДУА “Дзіцячы сад № 4 г. Смаргоні”,
Гродзенская вобласць
Праграмныя задачы:
– фарміраваць уяўленні пра народнае свята;
– развіваць творчыя здольнасці, узбагачаць слоўнікавы запас дзяцей;
– выхоўваць устойлівую цікавасць да беларускіх народных традыцый, да роднай мовы і абрадаў на аснове актыўнага ўдзелу ў святах і сумеснай дзейнасці з дарослымі.
Абсталяванне: птушачкі, вырабленыя з паперы, стужачкі для гульні, цацка божая кароўка, музычныя інструменты (званочкі); салодкія падарункі.
Ход свята
Вядучы.
Шуміць, гудзе – Вясна iдзе.
Шчасце i радасць людзям нясе!
У небе песня зазвiнела,
Лясы, палi, абудзiла.
Добра свеціць сонейка, але слаба яшчэ грэе. Няма яшчэ сапраўднай вясны. У даўнія часы моладзь збiралася i iшла на cyxi пагорак вяснянкi спяваць, вясну-красну заклiкаць.
Дзяўчынка.
Ой, Вясна, ты, вёсенка,
Дзе падзелася?
Нам зiма халодная
Ужо прыелася.
Музычны кіраўнік. А Вясна прыслухоўвалася i прыходзiла ў наш край. Сёння, дзецi, мы з вамi сабралiся, каб таксама пагукаць Вясну i сустрэць яе. Станавіцеся ў карагод.
Карагод «Мы ідзём гукаць вясну» (сл. I. Цітаўца, муз. В.Сярых)
Вядучы.
Завея зранку вiравала,
Круцiла злосна мокры снег.
Ды сонца весела зайграла
Апоўднi на цымбалах стрэх.
А хутка з поля да ракiты
3iму пагоняць ручаi.
I у небе радасна-блакітным
Развеяць бомы жаўрукi.
Дзiця.
Як вясна прыйшла ў гai,
Разбудзiла ручаi
I паклiкала iзнoў
Птушак з выраю дамоў
Хай ляцяць к нам жаўрукi,
I зязюлi, i шпакi!
Музычны кіраўнік. А мы ведаем песню пра жаваранкаў, давайце заспяваем яе.
Песня “Жавароначкі, прыляціце” (б.н.п.)
Музычны кіраўнік. Але ж мы ўсе жадаем сустрэцца з Вясной-красной. Толькi я яе тут не бачу. Можа надвор’е ёй перашкодзiла? Давайце запытаемся ў божай кароўкі, што заўтра будзе – дождж, цi пагода. Калi будзе добрае надвор’е, Вясна пачуе i прыйдзе да нас. У мяне ёсць чароўныя званочкi, яны нам таксама дапамогуць.
Гульня “Божая кароўка” (б.н.г.)
У пачатку гульнi выбiраецца вядучы, у яго ў руцэ – цацка, а ў дзяцей – званочкi. Дзецi кажуць заклiчку i прысядаюць:
Божая кароўка,
Што заўтра будзе?
Дождж цi пагода,
Пень цi калода?
Пагода – ляцi!
Дожджык – сядзi…
Вядучы гульнi. Пагода!
Пасля слоў вядучага дзецi бегаюць i звiняць званочкамi. Вядучы даганяе дзяцей i дакранаецца да iх. Да каго ён дакрануўся, той прысядае. Гульня заканчваецца, калi вядучы дакранецца да ўсiх дзяцей.
Вядучы.
Цi скора ж ты, жаданы час
Вясны-красны, прыйдзеш да нас?
Сагрэй ты нас, цяплом абвей.
Iдзi, Вясна, iдзi хутчэй!
Дзецi, мы з вамi тут гуляем, Вясну чакаем, а яна нiяк да нас не прыйдзе. Давайце яе iзноў паклiчам.
1-е дзiця. Прыйдзi, прыйдзi, Вясна!
2-е дзiця. Прыйдзi, прыйдзi, Красна!
3-е дзiця. Прыйдзi ў дзiцячы сад – кожны будзе рад!
Усе разам. Ау-ау, гукаем, Вясну заклiкаем!
Вядучы.
Вясна, iдзi да нас хутчэй!
Хай будзе ўciм нам весялей!
Музычны кіраўнік.
Шумiць, гудзе – Вясна ідзе!
Шчасце i радасць людзям нясе!
Усе дзецi бяруць музычныя інструменты i выконваюць разам з дарослымi “Весялуху”.
Аркестр “Весялуха” (б.н.п.)
Па заканчэннi музыкі ўваходзiць Вясна.
Вясна. Добры дзень, дарагiя сябры! Прывiтанне ўсiм!
Музычны кіраўнік.
Маладая Вясна!
Залатая пара!
Будзь красна i ясна,
Не шкадуй нам дабра!
Вядучы.
Вокам маткi зipнi,
Бледнасць з твару зганi!
Дай уздужаць малым
Пад паветрам тваiм.
Вясна.
Кожны з вас, што краска.
Красуйцеся, калi ласка!
Музычны кіраўнік. Мы цябе чакалі, рыхтаваліся. Вось паслухай вершы.
Сонца грэе, прыпякае;
Лёд на рэчцы затрашчаў.
Цёплы вецер павявае,
Хмар дажджлівых нам прыгнаў.
Вось і бусел паказаўся,
Гусі дзікія крычаць,
Шпак на дубе расспяваўся,
Жураўлі ўжо ляцяць.
I зіма, як дым, прапала!
Зелянее луг, ралля.
Як ад болю, ачуняла
Наша родная зямля.
(Якуб Колас)
Вясна. Якія прыгожыя вершы, за гэта я з вамі пагуляю ў цікавую гульню.
Гульня “Барада”
Дзеці рухаюцца па пляцоўцы. Да каго Вясна дакранулася, той прысядае і так да канца гульні пакуль да ўсіх не дакранецца.
Дзецi: Вясна-красна, што ж ты нам прынясла?
Вясна.
Я вам дам жменю ячменю,
Жыта карыта, мерку пшанiцы,
Вады з крынiцы!
Птушкам – пачастунак!
Дачушкам – падарунак!
Сынкам – пацешку!
Дзеці. А нам?
Вясна.
А вам – усмешку!
Hяciце – хвалiцеся,
3 yciмi дзялiцеся!
Вясна дае салодкія пачастункі.
Вясна. Вось як добра мы з вамі павесяліліся. Але ж мне пара спяшацца, у мяне шмат працы: трэба абудзіць усё наваколле. Бывайце, дзеці! Спявайце, у розныя гульні гуляйце, пра мяне, Вясну, не забывайце, ды часцей мяне заклікайце!
Предложить публикацию