Ужо зусім хутка 2021 год стане гісторыяй. Гісторыяй, якую мы стваралі разам. У Год народнага адзінства мы здолелі аб’яднацца, каб узняць нашу адукацыю на больш высокую прыступку. 2021 год стаў годам, калі ў галіне былі прыняты ключавыя для яе развіцця дакументы — Канцэпцыя развіцця сістэмы адукацыі Беларусі да 2030 года і законапраект “Аб змяненні Кодэкса Рэспублікі Беларусь аб адукацыі”.
Мы ўпэўнены, што наступны год стане для нашай сістэмы адукацыі часам стваральнай працы, любові да сваёй прафесіі і гордасці за сваіх вучняў. Наша з вамі задача застаецца нязменнай — выхоўваць дзяцей дастойнымі грамадзянамі, якія шануюць здабыткі народа і мараць працаваць на карысць Айчыны.
Жадаем вам, дарагія калегі, моцнага здароўя, святочнага настрою, радасці ад сустрэч з роднымі і сябрамі, поспехаў у рабоце. Няхай 2022 год стане для вас годам адкрыццяў і прафесійнага ўзлёту.
Са святамі!
Міністэрства адукацыі Рэспублікі Беларусь.
Предложить публикацию