Прапанаваныя практыкаванні можна выкарыстоўваюць на ўроках біялогіі ў 7-м класе.
Ганна РАМУК,
настаўнік біялогіі і хіміі
ДУА “Суботніцкая сярэдняя школа”
Іўеўскага раёна,
Гродзенская вобласць
Тэма “Кветка, яе будова і функцыі”
Чырвоная кніга Рэспублікі Беларусь – афіцыйны дакумент, які змяшчае сістэматызаваныя звесткі пра пэўныя віды жывёл і раслін, што з’яўляюцца рэдкімі або знаходзяцца пад пагрозай знікнення на тэрыторыі Беларусі. У Чырвоную кнігу Рэспублікі Беларусь занесены 137 відаў кветкавых раслін.
Вучням (на парту) прапануюцца QR-коды з малюнкамі раслін, занесеных у Чырвоную кнігу Рэспублікі Беларусь.
Заданне: даць апісанне кветкам прадстаўленых раслін.
Тэма “Роля бактэрый у прыродзе і жыцці чалавека”
Малочнакіслыя бактэрыі дапамагаюць атрымліваць многія прадукты харчавання: сыракваша, ёгурт, тварог, кефір, смятана, сыр. На тэрыторыі Рэспублікі Беларусь вялікая колькасць прадпрыемстваў па вытворчасці малочных прадуктаў. Напрыклад, у Гродзенскай вобласці налічваецца 10 такіх прадпрыемстваў.
Пытанне вучням:
– Якія прадпрыемствы вы ведаеце?
Заданне-кросенс “Прадпрыемствы па перапрацоўцы малочнай прадукцыі”.
Тэма “Сфагнавыя імхі. Значэнне імхоў”
Прагляд відэаматэрыялу
https://ont.by/news/chernoe-zoloto-belarusi-kak-dobyvayut-i-gde-primenyayut-torf
Прыём “Сюрпрыз”
На ніжнім баку кожнай парты прымацаваны сцікеры з пытаннямі. Знайдзіце свае “сюрпрызы”. Прачытайце гэтыя пытанні адзін аднаму і паспрабуйце даць на іх адказы.
1) Які прадстаўнік з імхоў удзельнічае ва ўтварэнні торфу?
2) Чаму сфагнум называюць тарфяным імхом?
3) Як утвараецца торф?
4) Дзе на тэрыторыі Беларусі здабываюць торф?
5) На тэрыторыі Беларусі торф у асноўным выкарыстоўваюць як….?
6) Ці выкарыстоўваецца торф у сельскай гаспадарцы?
7) Для чаго выкарыстоўваюць торф у садаводстве і кветкаводстве?
8) Торф – рэсурс аднаўляльны ці не?
9) На якім месцы ў свеце па вытворчасці торфу знаходзіцца Рэспубліка Беларусь?
10) Акрамя паліва і ўгнаенняў торф можа выкарыстоўвацца …?
11) Ці ёсць тарфяныя радовішчы паблізу Іўеўскага раёна?
Тэма “Культурныя расліны”
На этапе замацавання ведаў можна выкарыстоўваць крыжаванку “Культурныя расліны Беларусі”
https://learningapps.org/watch?v=pc1fr89u523
Тэма “Ахова раслін”
Вучням прапаноўваецца матэрыял пра ахоўныя тэрыторыі Рэспублікі Беларусь. Кожная група вучняў знаёміць увесь клас з матэрыялам.
Інтэрактыўнае практыкаванне “Ахоўныя тэрыторыі Рэспублікі Беларусь”
https://learningapps.org/watch?v=pu4ykqmsc23
Тэма “Вырошчванне раслін”
Метад “Шасцівугольнага навучання”. Настаўнік знаёміць вучняў з мінеральнымі ўгнаеннямі. Вучні атрымліваюць шасцівугольнікі – з тэкстам (настаўнік расказвае пра іх асаблівасці) і пустыя (вучні запаўняюць самастойна з дапамогай падручніка).
Заданне. Праглядзець відэаролік “Беларуськалій”, выкарыстоўваючы QR-код.
Адкажыце на пытанні:
1) Укажыце формулу асноўнага кампанента калійных угнаенняў, якія вырабляюцца на “Беларуськаліі”
2) Які гадавы аб’ём вытворчасці прадпрыемства?
3) У якім горадзе знаходзіцца прадпрыемства “Беларуськалій”?
Тэма “Ядомыя і ядавітыя дзікарослыя расліны”
Пазл “Ядомыя і ядавітыя расліны Беларусі”
https://learningapps.org/watch?v=p50tm5jm323
Тэма “Расліна – жывы арганізм”
Для кожнай краіны характэрны свае дзяржаўныя сімвалы. Што з’яўляецца дзяржаўнымі сімваламі для нашай краіны? Паглядзіце, калі ласка, на герб Рэспублікі Беларусь.
Адкажыце на пытанне:
– Якія расліны тут сустракаюцца? Што яны сімвалізуюць?
Предложить публикацию