Хлопчыкі і дзяўчынкі з сярэдняй школы г.п. Краснасельскі Ваўкавыскага раёна з задавальненнем наведвалі прышкольны аздараўленчы лагер “Палітра”.
У лагеры праходзілі цікавыя мерапрыемствы для розных узростаў: квесты, віктарыны, спартыўныя гульні, “Міс і Містэр лагера – 2022”, конкурсы малюнкаў на розную тэматыку, насценгазет, калажоў.
Немагчыма не ўзгадаць пра конкурс на лепшага чытача вершаў Янкі Купалы і конкурсную праграму “Знайдзі папараць-кветку”, прысвечаныя 140-годдзю з дня нараджэння славутага беларускага паэта Янкі Купалы.
Вельмі цікава было з’ездзіць на экскурсію ў Гродна, дзе мы наведалі Новы замак і заапарк.
Безумоўна, нам вельмі спадабалася ў летнім лагеры. Ніхто не пашкадаваў пра праведзены час, усе атрымалі новыя ўражанні, эмоцыі, а таксама знайшлі новых сяброў.
Дар’я АНІСЕНЯ,
выхаванка аздараўленчага лагера “Палітра”
сярэдняй школы г.п. Краснасельскі
Ваўкавыскага раёна
Предложить публикацию