Спартыўнае мерапрыемства для дзяцей старшай групы (5–6 гадоў).
Наталля ЕРМАКОВІЧ,
выхавальнік дашкольнай адукацыі
ДУА “Навадворскі дзіцячы сад Свіслацкага раёна”,
Гродзенская вобласць
Праграмныя задачы:
– фарміраваць уменне дзейнічаць сумесна, практыкаваць ва ўменні арыентавацца ў цяжкіх жыццёвых сітуацыях;
– замацаваць уяўленні дзяцей аб правілах пажарнай бяспекі, аб прафесіі пажарнага;
– практыкаваць ва ўменні арыентавацца ў цяжкіх жыццёвых сітуацыях;
– развіваць лоўкасць, хуткасць рэакцыі, вынослівасць, увагу, мэтанакіраванасць;
– выхоўваць паважлівыя адносіны да гераічнай прафесіі выратавальніка-пажарнага, добразычлівыя адносіны адно да аднаго, пачуццё калектывізму.
Абсталяванне: дзіцячыя вядзерцы, абручы, цацкі, кеглі, карцінкі кубы, макеты домікаў з агнём, атрыбуты адзення пажарных, медалі для ўзнагарод.
Ход мерапрыемства
Выхавальнік з дзецьмі заходзяць у залу пад рачоўку:
Выхавальнік: Хто шагае дружна ў рад?
Дзеці: Навадворскі дзіцячы сад!
Выхавальнік: Усім, усім!
Дзеці: Добры дзень!
Выхавальнік: Цякай з дарогі!
Дзеці: Лянота!
Выхавальнік: Не перашкаджай!
Дзеці: Займацца!
Выхавальнік: Не перашкаджай!
Дзеці: Змагацца!
Выхавальнік: Добры дзень, сябры, госці дарагія! Сёння мы ў поўнай баявой гатоўнасці прыбылі на пазнавальна-спартыўнае мерапрыемства “Агонь – сябра, агонь – вораг”.
Дзеці чытаюць вершы аб агні-сябру
Ведаюць дарослыя і дзеці
У самых дальніх кутках зямлі
Людзі, колькі жылі на свеце,
Лепш за вока агонь бераглі
Зберагалі яго, як умелі, –
Усемагутны, гарачы агонь.
І хоць тысячу год праляцелі,
Людзям, як і раней, патрэбен ён!
Зранку, каб усе былі сыты,
Ставім ежу ў духоўкі, на пліты.
Хлеб і булкі ён выпякае
І ад холаду нас абараняе.
Выхавальнік: Агонь вельмі важны для чалавека, але пры няправільных паводзінах лёгка можа стаць ворагам. А каб гэтага не здарылася, мы павінны ведаць правілы пажарнай бяспекі, якія мы прадэманструем у спаборніцтвах. Для спаборніцтва мы дзелімся на дзве каманды: “Выратавальнікі” і “Пажарныя”
Гульня “Слухай уважліва”
Выхавальнік: Я буду задаваць вам пытанні па правілах пажарнай бяспекі, вам неабходна знайсці правільны адказ і прагаварыць “Гэта мы, гэта мы, гэта ўсе мае сябры”.
– Хто пачуўшы запах гары,
паведамляе аб пажары?
– Хто з вас, пачуўшы дым,
закрычыць “Пажар, гарым!”?
– Хто з вас балуецца з агнём
зранку, увечары і днём?
– Хто пажарным дапамагае,
правілы не парушае?
– Хто падпаліў траву каля дома,
нават згарэў гараж знаёмых?
– Хто ад маленькай Наталкі
хавае дома запалкі?
– Прызнавайцеся, дзеці, дабром,
хто з вас гуляе з агнём?
Выхавальнік: Малайцы! Лёгка справіліся з заданнем. Пачынаем наша спаборніцтва.
Выхавальнік: На сталах перад камандамі ляжаць карткі з лічбамі 0, 1, 1, 2. З іх патрэбна правільна і хутка саставіць нумар тэлефона службы выратавання. (Трэба пастроіцца ў адзін рад з правільным наборам лічбаў: 101, 112)
Выхавальнік: Якое будзе наступнае спаборніцтва вы здагадаецеся, калі адгадаеце загадку.
З агнём змагацца мы павінны,
Мы смелыя работнікі.
З вадою мы сябруем,
Хаця і не падводнікі. (Пажарныя)
Выхавальнік: Правільна адгадалі, гэта – пажарныя, а спаборніцтва называецца “Збор пажарнай каманды”.
Дзеці па сігнале бягуць да тумбы, надзяваюць атрыбуты пажарных: камізэльку, каску, здымаюць, бягуць да каманды і перадаюць эстафету наступнаму, дакрануўшыся да пляча.
Выхавальнік: Слухаем наступную загадку перад спаборніцтвам:
Выхавальнік: Спаборніцтва называецца “Прыміце вызаў”.
Рабяты, перад вамі тэлефон. Ваша задача – па тэлефоне правільна паведаміць пра пажар.
Дзеці падбягаюць да тэлефона, набіраюць на клавіятуры 101 або 112, паведамляюць, хто гаворыць, што гарыць і дзе гарыць).
Выхавальнік: Закончыце сказ:
Калі дом гарыць – тады,
Нам спатрэбіцца многа …( вады).
Выхавальнік: Наступнае спаборніцтва “Патушы дом”
Дзіця бяжыць з вядзерцам, пралазіць у акно (абруч) – “тушыць дом” (макет доміка ў агні). Вяртаецца, перадае вядзерца наступнаму.
Гучыць голас: “Увага! Увага! Пажар у магазіне цацак па адрасе: вуліца Казачная, дом 2.
Выхавальнік: Каманды, патрэбна наша дапамога! Вы гатовы? Вам трэба выратаваць пацярпеўшых – цацкі, што ў магазіне.
Спаборніцтва “Выратуй пацярпеўшага”.
Дзіця бяжыць “змейкай” паміж кегляў да абруча з цацкамі, бярэ адну, вяртаецца, перадае эстафету наступнаму.
Выхавальнік: Цяпер вам трэба закончыць прыказкі і прымаўкі, звязаныя з пажарам.
Дорага пры пажары і вядро … (вады).
І малая іскра спальвае … (гарады)
Лепш касцёр маленькі, чым пажар … (вялікі)
Адзін на пажары не … (воін)
Запалкі не тронь – у іх … (агонь)
Не май прывычкі насіць у кішэні … (запалкі)
Запалка – невялічка, а агонь – … (велікан)
Выхавальнік: Рабяты, вам засталося справіцца з апошнім заданнем – віктарынай “Небяспечныя сітуацыі”.
На стале ляжаць карцінкі, яны перавернуты. Патрэбна дабегчы да стала, узяць карцінку і растлумачыць, чаго нельга рабіць з гэтым прадметам і чаму, прыбегчы назад і перадаць эстафету наступнаму гульцу.
Выхавальнік: Малайцы, папрацавалі вы добра, дзякуй вам.
Які ў вас настрой? Пакажыце свой настрой.
Вось і закончыліся нашы спаборніцтвы. Вы, рабяты, былі лоўкімі, хуткімі, смелымі і дужымі, а значыць, калі вы вырасціце, зможаце стаць выратавальнікамі-пажарнымі і аказваць дапамогу людзям. За ваша старанне вам уручаюцца медалі “Юны выратавальнік-пажарны”. Віншуем вас!
Предложить публикацию