У Дварчанскім дзіцячым садзе – базавай школе ў рамках праекта “Школа Актыўнага Грамадзяніна” для навучэнцаў 5–7-х класаў прайшоў вусны часопіс “Мая малая радзіма ўчора, сёння, заўтра”.
У ходзе мерапрыемства навучэнцы прысвяцілі свайму роднаму кутку цёплыя, ласкавыя, пяшчотныя словы. Гаворка ішла пра выдатных людзей, якія пражываюць у аграгарадку Пацуі і навакольных вёсках, пра гаспадарку ААТ “Акр-Агра”, прыгажосць навакольнай прыроды, славутасці родных мясцін.
У час праходжання квеста вучні ўспомнілі мінулае малой радзімы, абмеркавалі дасягненні сучасных дзён, паспрабавалі ўявіць свой аграгарадок у будучыні. Удзельнікі гульні выдатна выканалі ўсе заданні, паказалі сваё ўменне працаваць у камандзе.
Вынікам работы сталі праекты “Малая радзіма заўтра”. У канцы занятку кожны адзначыў для сябе, што патрэбна рабіць, каб наша малая радзіма квітнела.
Святлана МАЕР,
класны кіраўнік 7-га класа
Дварчанскага дзіцячага сада – базавай школы
Свіслацкага раёна
Предложить публикацию