Дыдактычныя гульні “Знайдзі пару”, пазлы “Віды спорту” і “Бытавая тэхніка” можна выкарыстоўваць на ўроках нямецкай мовы і ў пазакласнай рабоце. Яны распрацаваны з мэтай вывучэння і замацавання лексікі па тэмах, якія вывучаюцца згодна з вучэбнымі праграмамі, садзейнічаюць фарміраванню функцыянальнай граматнасці вучняў.
Рэгіна ДРАВІЦА,
настаўнік нямецкай мовы
ДУА “Азёркаўская сярэдняя школа”
Мастоўскага раёна,
Гродзенская вобласць
Задача педагога – выкладаць свой прадмет так, каб ён зацікавіў вучняў, паказаць яго неабходнасць для развіцця чалавека, яго прымяненне ў нестандартных сітуацыях, на практыцы і ў жыцці, і тым самым фарміраваць у іх функцыянальную граматнасць. Дыдактычныя гульні запальваюць агеньчыкі ў вачах вучняў, адкрываюць ім новыя старонкі школьнага прадмета.
Лато “Знайдзі пару” па тэме “Спорт” распрацавана для навучэнцаў 7-га класа пры вывучэнні імі назваў спартыўных снарадаў. Зроблены карткі ў трох варыянтах: з малюнкам, назва на нямецкай мове і з беларускім эквівалентам. Вучням патрэбна знайсці ўсе тры карткі да кожнай прылады, гэта значыць адно слова можа паўтарыцца як мінімум тры разы, што актывізуе дзейнасць навучэнцаў і дазваляе паскорыць запамінанне новай лексікі.
Па гэтай жа тэме зроблены пазл па відах спорту. Можна знаходзіць не толькі назвы відаў спорту, але і раздзяліць па групах, напрыклад: зімовыя віды спорту, летнія віды спорту, з мячом, у зале і г. д. Такія гульні можна зрабіць і па іншых тэмах.
У 6-м класе па тэме “Бытавая тэхніка” таксама прапануецца пазл (тры ў адным) на запамінанне і ўжыванне лексікі.
Пошук і прымяненне нестандартных падыходаў і прыёмаў да арганізацыі адукацыйнага працэсу дазваляе вучням і настаўніку зрабіць яго больш змястоўным, цікавым, непаўторным. На прыкладзе прапанаваных гульняў можна распрацаваць свае па любой тэме.
1. Спартыўныя снарады “Знайдзі пару”
2. Пазл “Віды спорту”
3. Пазл “Бытавая тэхніка”