Класная гадзіна прысвечана вывучэнню гісторыі сваёй малой радзімы. Мерапрыемства накіравана на развіццё ў пяцікласнікаў цікавасці і гонару за гісторыю сваёй малой радзімы і людзей, якія там жывуць.
Тэрэса ЮЗВІК,
класны кіраўнік 5-га класа
ДУА “Беняконская СШ” Воранаўскага раёну,
Гродзенская вобласць
Мэта: паглыбіць веды вучняў пра населены пункт, у якім яны нарадзіліся і жывуць.
Задачы:
– прывіваць любоў да роднага краю, да роднай зямлі;
– развіваць пазнавальнасць, творчасць;
– выхоўваць пачуццё гордасці за сваю Радзіму.
Абсталяванне: фотаздымкі, малюнкі, музычны цэнтр, плакаты.
Форма: гульня-падарожжа.
Абсталяванне: QR-коды, калаж, фотаздымкі, відэа.
Ход мерапрыемства
І Пачатак мерапрыемства
Настаўнік: Добры дзень, паважаныя вучні! Давайце ўсміхнёмся адно аднаму, пажадаем добрага настрою, новых ведаў і пачнём класную гадзіну з песні.
Гучыць песня «С чего начинается Родина» (https://www.youtube.com/watch?v=rDUIe4ANE5E&t=18s)
Настаўнік: Вы праслухалі песню, а зараз адкажыце на пытанні: Што такое Радзіма? І з чаго яна пачынаецца? (Адказы дзяцей) Давайце ўзгадаем, што мы ведаем пра нашу радзіму?
Гульня “Складзі пазл”
Настаўнік: Які адказ вы далі на пытанне: “Мая малая радзіма?” Чаму вы так адказалі? Які куток Беларусі мы называем “малая радзіма”? (Адказы дзяцей).
Настаўнік: Давайце, звернемся да дошкі і паспрабуем растлумачыць выраз “Мая малая радзіма”:
Мая – таму, што тут жыве мая сям’я, знаходзіцца мой дом, вуліца, школа, любімае месца;
Малая – таму, што гэта маленькая частка маёй вялікай радзімы;
Радзіма – таму, што тут жывуць родныя майму сэрцу людзі.
Вучань чытае верш Пімена Панчанкі “Бацькаўшчына”
Што такое Бацькаўшчына,
Знаеш?
Гэта рэчка, сцежка лясная,
Гэта ў лузе залатая пчолка,
А ў вачах тваіх – вясёлка.
Бацькаўшчына – гэта дом твой,
Школа;
Гэта песні, што звіняць наўкола,
Гэта сам ты,
Гэта тата твой і мама.
І сябры твае таксама.
Настаўнік: Яшчэ мы сваю малую радзіму называем “Бацькаўшчына”. Чаму?
(Адказы вучняў). Для нас наша малая радзіма – гэта наш аграгарадок Беняконі. Наш населены пункт багаты на архітэктурныя помнікі і славутых людзей.
Сёння мы здзейснім падарожжа па нашым населеным пункце і складзём калаж “Мая малая радзіма”. (Кожны вучань выходзіць да дошкі, прымацоўвае малюнак і расказвае пра малую радзіму)
вучань 1 – пра першыя звесткі пра Беняконі і колькасць жыхароў аграгарадка;
вучань 2 – пра гісторыю эксперыментальнай станцыі ў Беняконях;
вучань 3 – пра гісторыю чыгуначнай станцыі “Беняконі”;
вучань 4 – пра гісторыю помніка архітэктуры – храма святога Іаана Хрысціцеля;
вучань 5 – пра руіны вадзянога млына, яшчэ аднаго помніка гісторыі;
вучні 6 і 7 – пра славутых людзей малой радзімы: Мечыслава Іванавіча Сенкевіча і Анатоля Іванавіча Талчкова.
Настаўнік: Давайце звернемся да нашага калажу і адкажам: Чым і кім славіцца наша беняконская зямля? (Адказы вучняў) Давайце замацуем атрыманыя веды выканаўшы заданне.
Настаўнік: Хто не зрабіў памылак? Які малюнак вы ўбачылі, выканаўшы заданне? Так, гэта будынак нашай школы. Пра гісторыю школы і настаўнікаў мы даведаемся з вамі на наступным класнай гадзіне.
Беларусь, Радзіма, малая радзіма… Такія да болю родныя словы.
Жыццё раскідвае людзей ва многія куткі зямлі, але дзе б мы ні былі, наш родны край заўсёды будзе для нас тым светлым агеньчыкам, які будзе сваім яркім святлом клікаць нас у родны куток.
І закончыць класную гадзіну, я хачу такімі словамі:
Я люблю свою Родину малую,
От ветров и от зноя усталую.
Все же милую, светлую, добрую,
Со своею природою скромною.
С мутной речкой и косыми берегами,
С заводью заросшей камышами.
С ее побритыми полями,
С полынной проседью местами.
С курганами веков поросшими,
А главное – с людьми хорошими.
Настаўнік: А вам прапаную на сардэчках напісаць пажаданне нашым землякам і прымацаваць на калаж.
Предложить публикацию