У рамках дня здароўя ў яслях-садзе № 4 Ганцавічаў адбылася спартыўная забава “Зімовы стадыён” для выхаванцаў малодшых, сярэдніх і старшых груп. Мерапрыемства правялі кіраўнікі фізічнага выхавання Я.С.Бабко і Л.А.Цішчанка.
Зіма – гэта выдатны час не толькі для вясёлага адпачынку на заснежанай вуліцы, але і для аздараўлення. Выхаванцы нашага дзіцячага сада вельмі любяць спартыўныя забавы.
Падчас “Зімовага стадыёна” рухавыя гульні і эстафеты захапілі дзяцей так, што яны забыліся пра час. Выхаванцы актыўна ўдзельнічалі ў эстафетах “Снежны ком”, “Не ўпусці сняжок”, “Лыжныя гонкі”, “Хакеісты” і “Санкі”, атрымаўшы ад іх шмат станоўчых эмоцый.
Для дзяцей малодшых груп забава праходзіла ў гульнявой форме: “Вясёлы паравоз”, “Замарожу”, “Сняжынкі і вецер” і інш.
Дзякуючы такім мерапрыемствам, педагогі падтрымліваюць у дзяцей цікавасць да заняткаў фізкультурай і фізічных практыкаванняў, змалку фарміруюць асновы здаровага ладу жыцця.
Людміла ЦІШЧАНКА,
кіраўнік фізічнага выхавання
ясляў-сада № 4 Ганцавічаў
Предложить публикацию