У Валеўскім дзіцячым садзе – сярэдняй школе Навагрудскага раёна вучні 5–7-х класаў у рамках інфармацыйна-адукацыйнага праекта “ШАГ” абмяркоўвалі тэму “Я і грамадства”.
Сярод значных палітычных падзей краіны, якія адбыліся ў лютым, вучні назвалі VI Усебеларускі народны сход і прадставілі матэрыял пра яго ўдзельнікаў ад Навагрудчыны.
Важным момантам для маленькіх грамадзян стаў аўдыямост з Аляксандрам Сонгіным, дэпутатам Палаты прадстаўнікоў Нацыянальнага сходу Рэспублікі Беларусь, членам Пастаяннай камісіі па заканадаўстве.
Адзінству народа, безумоўна, садзейнічаюць нацыянальная культура і традыцыі. “Музей у чамадане”, у якім змяшчаліся экспанаты не толькі Вялікай Айчыннай вайны, афганскай вайны, але і вайны 1812 года, дапамог вызначыць асаблівасці менталітэту беларускага народа: міралюбства і любоў да Радзімы, надзейнасць і мужнасць, самаахвярнасць, працавітасць і беражлівасць.
Падмуркам нашага адзінства з’яўляецца талерантнасць. Пра тое, што ў нашай краіне на працягу стагоддзяў побач жывуць прадстаўнікі розных нацыянальнасцей і рэлігій, расказаў настаяцель храма аграгарадка Валеўка Ілля Герасімук.
Госцем мерапрыемства стала настаўніца беларускай мовы і літаратуры, пераможца раённага конкурса “Лепшы па прафесіі” А.А.Жукоўская, якая акцэнтавала ўвагу на ролі школы ў фарміраванні лепшых грамадзянскіх якасцей моладзі.
У ходзе этапу “Мы дзейнічаем” вучні 5-га класа арганізавалі працу “Кніжкінай бальніцы”. Хлопчыкі і дзяўчынкі з 6-га класа запісалі ўспаміны воіна-афганца У.Ф.Крывіцкага, якія папоўняць экспазіцыю Народнага гісторыка- краязнаўчага музея.
Сямікласнікі, як самыя старэйшыя, аказалі дапамогу ветэрану педагагічнай працы Л.І.Чыж ва ўборцы снегу.
У выніку наш “ШАГ” стаў сапраўдным крокам да актыўнага ўдзелу ў жыцці грамадства.
Т.М.СУРАГА,
класны кіраўнік 5-га класа
Валеўскага дзіцячага сада – сярэдняй школы
Навагрудскага раёна
Предложить публикацию