Бесперапыннае выхаванне дзяцей і вучнёўскай моладзі: новыя формы, метады і тэхналогіі

15 красавіка ў Крэўскім яслях-садзе – сярэдняй школе Смаргонскага раёна адбылася творчая справаздача “Бесперапыннае выхаванне дзяцей і вучнёўскай моладзі: новыя формы, метады і тэхналогіі”. Мерапрыемства было арганізавана для намеснікаў дырэктараў па выхаваўчай рабоце.

У ходзе творчай справаздачы была прадстаўлена мадэль выхаваўчай прасторы ўстановы як асновы фарміравання рознабакова развітай, маральна сталай, творчай асобы.

Настаўнік гісторыі і загадчык народнага музея гісторыка-краязнаўчага профілю Міхаіл Міхалькевіч падзяліўся вопытам выхавання ў падрастаючага пакалення каштоўнаснага стаўлення да гісторыка-культурнай спадчыны беларускага народа сродкамі краязнаўчай, даследчай і турысцка-экскурсійнай работы.

Асаблівае месца ў справаздачы займала прэзентацыя створаных умоў для самарэалізацыі дзяцей і моладзі з дапамогай рэсурсаў установы дадатковай адукацыі, музычнай школы, валанцёрскага руху, работы грамадзянскіх аб’яднанняў. Пра гэты кірунак работы ў сваім выступленні паведаміла педагог-арганізатар Таццяна Шаўцова.

Дырэктарам установы Таццянай Капыш шырока была прадстаўлена праектная дзейнасць як сродак дынамічнага змянення характарыстык выхаваўчай прасторы і яе кампанентаў.

Класны кіраўнік 10-га класа Жанна Аракчэева расказала пра новыя формы і метады работы з класным калектывам, работу метадычнага аб’яднання класных кіраўнікоў.

Вельмі цікавым і пазнавальным было выступленне выхаванцаў дашкольнай установы пра рэалізацыю праекта “Экалагічная сцежка”.

Творчая справаздача прайшла на высокім арганізацыйна-метадычным узроўні. Удзельнікі школьнай бізнес-кампаніі ўручылі гасцям велікодныя падарункі. Педагагічны калектыў з радасцю падзяліўся эфектыўным вопытам работы.

https://youtu.be/9qisqkjTfww, https://youtu.be/-L0GMgswwZ4.

Таццяна ВАРЫЦКАЯ,
намеснік дырэктара па выхаваўчай рабоце
Крэўскага ясляў-сада – сярэдняй школы
Смаргонскага раёна