Пройдзе час, а адзін дзень выхаванцы старшай групы № 2 дашкольнага цэнтра развіцця дзіцяці № 1 Навагрудка будуць памятаць усё жыццё, расказваць пра гэту сустрэчу сваім дзецям і ўнукам.
У гэты дзень яны ўпершыню сустрэліся са сведкам Вялікай Айчыннай вайны Міхаілам Кір’янавічам Касабукіным. Сустрэча атрымалася змястоўнай і цікавай. Дзеці чыталі вершы пра вайну, а затым уважліва слухалі аповед ветэрана, які расказаў пра сваё апаленае вайной дзяцінства, пра цяжкасці, якія прынесла з сабой вайна, і пажадаў хлопчыкам і дзяўчынкам мірнага неба, шчаслівага дзяцінства, клапатлівых бацькоў.
Разам з Міхаілам Кір’янавічам дашкольнікі ўсклалі кветкі да Вечнага Агню, а напрыканцы сустрэчы абмяняліся падарункамі.
Хочацца верыць, што гэтая сустрэча запаліла ў сэрцы кожнага выхаванца агенчык дабрыні і веры ў светлую будучыню.
Іна МАКСІМОВІЧ,
выхавальнік дашкольнай адукацыі
дашкольнага цэнтра развіцця дзіцяці № 1 Навагрудка
Предложить публикацию