Вытворчая брыгада лідскай школы

Штогод у сярэдняй школе № 11 Ліды ў чэрвені дзейнічае вытворчая брыгада.

Сёлета брыгада была створана з дваццаці юнакоў і дзяўчат, вучняў 8-х класаў. Пад кіраўніцтвам настаўніка працоўнага навучання Віктара Чырвонага навучэнцы працавала на працягу дзесяці дзён.

Школьнікі атрымалі магчымасць стварыць на практыцы сваімі рукамі тое, што ў тэорыі яны вывучалі на занятках. Праца вытворчай брыгады была накіравана, у першую чаргу, на добраўпарадкаванне прышкольнай тэрыторыі. Таксама юнакі і дзяўчаты займаліся рамонтам школьнай мэблі, працай з бібліятэчным фондам.

Сёння працоўная брыгада лідскай сярэдняй школы № 11 можа падводзіць першыя вынікі сваёй дзейнасці. Папрацаваўшы з энтузіязмам у адной камандзе, вучні ганарацца тым, што іх праца стала, няхай і невялікім, але ўкладам у падрыхтоўку школы да новага навучальнага года.

Наталля АНАШКЕВІЧ,
класны кіраўнік 8 “Б” класа
сярэдняй школы № 11 Ліды