Байкеры, цырк шапіто і музеі

Падарыць свята выхаванцам прытулку Смаргонскага сацыяльна-педагагічнага цэнтра вырашылі байкеры са Смаргоні, Ашмянаў і Астраўца.

Усё пачалося з іскрамётнага танца Ірыскі і дзяцей, гульні ў велізарныя рознакаляровыя кубікі, шоу мыльных бурбалак. Дзяцей уразіў візіт роставай лялькі Ружовага аднарога, а на памяць кожны жадаючы мог атрымаць аквагрым і невялікую фотасесію з байкерамі. Асабліва смелыя адважыліся на невялікую паездку на матацыкле. Клапатлівыя байкеры напярэдадні даведаліся ўсе перавагі выхаванцаў прытулку і падрыхтавалі прэзенты.

Дзяўчынкі і хлопчыкі былі запрошаныя на адкрытую трэніроўку футбольнага клуба “Смаргонь”. Акрамя майстар-класа валодання мячом, выхаванцам падарылі футболкі клуба і запрашэнне на ўсе футбольныя матчы на гарадскім стадыёне.

Дзякуючы візіту ў цырк шапіто “Арлекін”, дзеці ўбачылі тыбецкіх якаў, рысяў, плямістых аленяў, дрэсіраваных катоў і сабак. Уразілі паветраныя гімнасты і акрабаты, развесяліў клоўн Март.

Асобнае месца заняло наведванне музеяў. У Смаргонскім гісторыка-краязнаўчым музеі дзяцей уразіла выстава “Тайная вячэра”. Экспазіцыя з’яўляецца часткай навукова-даследчага і выставачнага праекта васковых фігур. Акрамя персанажаў фрэскі Леанарда да Вінчы “Святыя заступнікі”, прадстаўлена кіеўская княгіня Вольга, князь Уладзімір Чырвонае Сонейка, заступніца беларускай зямлі Еўфрасіння Полацкая, таксама можна ўбачыць постаці Аляксандра Пушкіна і яго жонкі, Мікалая Гогаля, Фёдара Дастаеўскага і іншых. У музеі смаргонскай гімназіі і сярэдняй школы № 1 Смаргоні дзеці лепш даведаліся старонкі гісторыі нашага горада.

Як бы ні склаліся абставіны, дзеці павінны жыць насычаным шчаслівым жыццём.

Ларыса ТАТАРЫНАВА
дырэктар
Смаргонскага сацыяльна-педагагічнага цэнтра