У тым, што Піншчына – самабытны край на поўдні Беларусі, багаты адметнай гісторыяй, культурай і спадчынай, можна было пераканацца падчас конкурсу “Маршрутамі памяці. Маршрутамі адзінства”, які прайшоў у Бабрыкоўскай сярэдняй школе Пінскага раёна ў рамках фестывалю “Вясёлкавы калейдаскоп”.
Вучні цікава расказалі пра непаўторныя мясціны Палесся, пазнаёмілі з гістарычнымі фактамі і падзеямі, а найперш – з галоўным скарбам краіны – з людзьмі.
Вячаслаў Уладзіміравіч Шапялевіч, вучоны-медык у галіне псіхіятрыі (нарадзіўся ў вёсцы Бобрык), Уладзімір Уладзіміравіч Скарына, доктар сельскагаспадарчых навук, прафесар, Святаслаў Іосіфавіч Сарока, доктар медыцынскіх навук, прафесар (нарадзіліся ў вёсцы Малая Плотніца)… Усе яны ўслаўляюць нашу Радзіму, нясуць у свет добрае iмя беларусаў.
Мясцовая паэтэса Зінаіда Уладзіміраўна Шапялевіч, якая нарадзілася ў вёсцы Церабень, праслаўляе бацькоўскую зямлю: багацце, прыгажосць і непаўторнасць прыроды роднага краю, талент і добразычлівасць яго жыхароў…
Асаблівае месца ў гісторыі Піншчыны займаюць святыя месцы. Пяцікласнікі расказалі пра храмы Бабрыкоўскага сельсавета, а васьмікласнікі – пра пінскі храм святых Пятра і Фяўронні Мурамскіх.
Конкурс паказаў, што моладзь ахвотна далучаецца да сваёй гісторыі, самабытнай і непаўторнай спадчыны.
Г.К.ЗАВАДСКАЯ,
педагог-арганізатар
Бабрыкоўскай сярэдняй школы
Пінскага раёна
Предложить публикацию