Праблеме бяздомных жывёл была прысвечана класная гадзіна “Браты нашы меншыя” у 2-м класе Любчанскай сярэдняй школы Навагрудскага раёна.
Дзеці расказвалі пра сваіх хатніх выхаванцаў. Іван Буйвал, напрыклад, знайшоў каля дарогі маленькае кацянё. Разам з матуляй абагрэў, накарміў і выгадаваў яго. Цяпер Цёма – любімец сям’і.
Дар’я Міснікевеч разам з бабуляй лічыць сваіх выхаванцаў – ката Матроскіна, кошак Мілку і Машку – сапраўднымі сямейнымі лекарамі. У бабулі баляць ногі, а жывёлы заўсёды прыстасоўваюцца каля іх, саграваючы сваім цяплом. І бабуля кажа, што боль праходзіць.
Жэня Лазарава сваю Боню знайшла з пакалечанай лапкай, выхадзіла яе, падлячыла. А цяпер гэта сапраўдная прыгажуня.
Шмат яшчэ цікавых гісторый пачулі дзеці на класнай гадзіне і вырашылі клапаціцца і аберагаць братоў нашых меншых, правесці акцыю ў дапамогу прытулку для бяздомных жывёл, які знаходзіцца ў нашым раёне.
Іна КАМОРНІК,
класны кіраўнік 2-га класа
Любчанскай сярэдняй школы
Навагрудскага раёна
Предложить публикацию