У рознаўзроставай беларускамоўнай групе дашкольнага цэнтра развіцця дзіцяці Свіслачы рэалізаваны праект “Традыцыі беларускай сям’і. Беларуская кухня”.
У рамках праекта хлопыкі і дзяўчынкі павысілі пазнавальную актыўнасць да гісторыі і традыцый беларускага народа, пазнаёміліся з нацыянальнымі стравамі беларускай кухні. З дзецьмі былі праведзены пазнавальныя гутаркі “Абрады і традыцыі беларускага народа”, “Адкуль наш род”, “Беларускі касцюм”.
З весялосцю і запалам выхаванцы гулялі ў фальклорныя гульні “Лапаточкі”, “Гусі”, “Воўк і авечкі”, абыгрывалі гульнявыя сітуацыі “Адкрыем бабулін куфэрак”, “Апранаем ляльку”.
Вельмі спадабалася дзецям слухаць і выконваць народныя песні “Купалінка”, “Полька беларуская”, “Ой, рэчанька, рэчанька”, слухаць апавяданне Т.Жмур “Залаты лянок”.
З цікавасцю малыя знаёміліся з глінаю, на занятках па выяўленчай дзейнасці ляпілі фігуркі жывёл і птушак, малявалі беларускі фартух, выконвалі аплікацыю “Беларускі ўзор”.
Дзякуючы сумеснай дзейнасці сем’яў выхаванцаў і выхавальнікаў групы быў праведзены выніковы занятак “Традыцыйная страва маёй сям’і”, дзе кожнае дзіця змагло прадэманстраваць традыцыйную страву сваёй сям’і, ну і вядома ж, паспрабаваць усе стравы на смак.
Па выніках праекта створана інфармацыйная папка “Як нашы продкі гасцей частавалі” і альбом з традыцыйнымі стравамі сем’яў нашых выхаванцаў “Беларуская нацыянальная кухня”.
Вікторыя ДЗЮРБАШ,
выхавальнік дашкольнай адукацыі
дашкольнага цэнтра развіцця дзіцяці Свіслачы
Предложить публикацию