У другой малодшай групе № 1 дашкольнага цэнтра развіцця дзіцяці № 1 Навагрудка створаны сенсорны цэнтр.
У цэнтры размешчана шмат дыдактычных гульняў: “Вызначы форму”, “Цудоўная торбачка”, “Раскладзі па колеры”, “Пазнай на смак”, “Пазнай па паху”, “Што шуміць” і інш. Усё гэта знаходзіцца ў даступным для дзяцей месцы.
Дзякуючы сенсорнаму цэнтру дзеці могуць займацца не толькі на занятках, але і самастойна даследаваць прадметы, групіраваць іх па колеры і форме вакол узора-эталона, вучыцца паслядоўнаму агляду і апісанню формы. У іх ёсць магчымасць трэніраваць навыкі абследавання і аналізаваць прадметы, іх якасці, уласцівасці, вучыцца пазнаваць прадметы па шуме, паху, смаку, форме, колеры.
Гуляючы, дзеці нават не заўважаюць, што яны атрымоўваюць не толькі задавальненне, але і рознабаковыя ўяўленні пра якасці навакольнага свету. Дзякуючы даступнасці дыдактычнага матэрыялу ў іх ужо ў гэтым узросце фарміруецца цэласнае ўспрыманне прадметаў, а гэта значыць, што сенса-маторнае развіццё складае фундамент разумнага развіцця, што неабходна для ўсебаковага фарміравання асобы дзіцяці.
Іна МАКСІМОВІЧ,
выхавальнік дашкольнай адукацыі
дашкольнага цэнтра развіцця дзіцяці № 1 Навагрудка