У шосты школьны дзень увазе навучэнцаў сярэдніх класаў Корнадзьскага дзіцячага сада – базавай школы Свіслацкага раёна было прапанавана здзейсніць завочнае падарожжа “Невядомыя старонкі роднага краю”.
Мерапрыемства праводзілася з мэтай прывіцця цікавасці навучэнцаў да гісторыі і геаграфіі роднага краю, выхавання патрыятычных пачуццяў, папулярызацыі краязнаўчага руху, прыцягнення ўвагі да знакавых мясцін нашай мясцовасці. Занятак пачаўся з таго, што дзеці разгадалі назвы беларускіх рэк, азёр і гарадоў, зашыфраваныя ў рэбусах. Затым навучэнцы здзейснілі віртуальнае падарожжа па Свіслацкім і Ваўкавыскім раёнах, наведаўшы культавыя пабудовы і архітэктурныя помнікі ў населеных пунктах Новы Двор, Поразава, Краскі, Падароск, Ізабелін і іншых. Напрыканцы падарожжа дзеці пазнаёміліся з цікавымі легендамі і паданнямі, сабранымі пад вокладкамі гісторыка-дакументальнай хронікі “Памяць. Свіслацкі раён”.
Мерапрыемства было змястоўным і цікавым, дзеці атрымалі шмат новай і карыснай інфармацыі і былі вельмі задаволены.
Мікалай САВІЦКІ,
класны кіраўнік 9-га класа
Корнадзьскага дзіцячага сада – базавай школы
Свіслацкага раёна
Предложить публикацию