Гродзенскі абласны інстытут развіцця адукацыі ў рамках святкавання Міжнароднага дня роднай мовы ініцыяваў акцыю ва ўстановах адукацыі Гродзенскай вобласці па напісанні дыктанта.
У сярэдняй школе № 5 Смаргоні магчымасць далучыцца да роднага слова праз абласны дыктант атрымалі педагагічныя работнікі, вучні, іх бацькі, грамадскасць. Удзел у дыктанце – добраахвотны. Пісалі дыктант пад назвай “Музей паэта” 38 чалавек. Прысутныя былі аб’яднаныя адзінай мэтай – разам з мовай адчуць пачуццё годнасці і духоўнай згуртаванасці, што вельмі важна ў Год гістарычнай памяці.
Дык давайце будзем разам паважаць, любіць і берагчы сваё роднае слова – самы дарагі скарб Бацькаўшчыны.
Валянціна ТРАЙКОВІЧ,
настаўнік беларускай мовы і літаратуры
сярэдняй школы № 5 Смаргоні
Предложить публикацию