Маргарыта ТАРАСЕВІЧ,
музычны кіраўнік
ДУА “Яслі-сад № 83 г. Гродна”
Мэта: Стварыць святочны, эмацыйны настрой.
Матэрыял і абсталяванне: музычныя інструменты, два заплечнікі, школьныя рэчы, лічбы для гульні.
Папярэдняя работа: развучванне вершаў, прыказак, песень, танцаў, аркестра.
Ход ранішніка
Зала святочна ўпрыгожана.
Вядучы: Добры дзень, шаноўныя госці! Сёння свята дзетак нашых – свята выпускное! Сустракайце нашых выпускнікоў!
Дзеці пад музыку ўваходзяць у залу.
Дзіця:
Бывай, бывай, садок,
Гасцінны наш і светлы,
Ты даў нам першы ўрок
Гасцінных ведаў!
Дзіця:
Чароўны свет прыгод
З табою пазнавалі,
Вясёлы карагод
Вадзіў ты разам з намі!
Дзіця:
Бывай, бывай, садок
Бывайце, цацкі нашы,
Чакае нас урок
У школьным класе.
Дзіця:
Нам будуць сніцца век,
Напевы калыханкі.
І дзіўныя твае
Пацешкі-казкі.
Песня “Развітанне з садком”
Дзіця:
Кветак букеты і віншаванні,
Слёзы радасці і сум развітання
Прыносіць з сабой да нас незнарок
Апошні садаўскі дзянёк!
Дзіця:
Жыццё адкрывае для нас сваю далеч,
Мы вольныя ажыццяўляць свае мары,
І праводзіць нас на скрыжаванне дарог
Апошні садаўскі дзянёк!
Усе дзеці:
Наш садок, з удзячнасцю
Вітаем песняй мы цябе!
Песня “Удзячнасць”
Пад музыку ўваходзяць Бураціна і Мальвіна.
Мальвіна і Бураціна: Добры дзень!
Мальвіна: Чулі мы, што ў гэтым садзе ёсць дзеці, якія хочуць вучыцца і збіраюцца ў першы клас.
Дзеці: Так!
Бураціна: Ой, мае ж вы даражэнькія, навошта вам гэта? Хіба не лепей бегаць па вуліцы, у жмуркі гуляць. Што добрага ў гэтай навуцы?
Вядучы: Ці праўду кажа Бураціна? Давайце раскажам прыказкі.
Дзеці па чарзе расказваюць прыказкі.
Дзіця: “Век жыві – век вучыся”.
Дзіця: “Вучэнне – свет, а невучэнне- цьма”.
Дзіця: “Жыццё пражыць не поле перайсці”.
Дзіця: “Не глядзі, што на галаве, а паглядзі, што ў галаве”.
Дзіця: “Сем разоў адмерай – адзін раз адрэж”.
Бураціна: Ой, як цікава! Але ў школу бяруць вельмі разумных дзяцей, а вы ж пэўна не ўсе ведаеце. Напачатку адгадайце загадкі, Мальвіна загадвай.
Мальвіна:
Сам я еду на табе.
А хаваю я ў сабе,
Сшыткі, кніжкі ды алоўкі,
Ласцік, фарбы, пэндзлік лоўкі…
Мноства тут патрэбных рэчаў.
Здагадаўся? Я – (заплечнік).
За алоўкамі прыбіраю.
Ён напіша – я сціраю. (Ласцік)
Я сам не малюю, я сам не пішу.
Але кожны дзень на ўрокі хаджу:
Каб ручкі з алоўкамі вы не гублялі,
Захоўвайце іх ва мне, у (пенале).
Мальвіна: Ну разумныя ж дзеці, нічога не скажаш!
Бураціна: А каб вы яшчэ танец паказалі, тады зусім добра было б! Але ж відаць вы не ўмееце.
Вядучы: Бураціна, глядзі, нашы дзеці вельмі прыгожа танцуюць.
Танец “Недзіцячы час”
Мальвіна: Малайцы! Як добра танцавалі дзеці.
Бураціна: Нічога я цікавага не ўбачыў. Танцуюць, загадкі адгадваюць, але напэўна працаваць не ўмеюць, а бацькі за імі ўсе робяць і заплечнік складваць будуць.
Вядучы: А вось і не. Нашы дзеці робяць усе самі.
Гульня “Заплечнік”
Мальвіна: Увага! Я бачу, што дзеці гатовы да школы. Бураціна, пагадзіся ўжо.
Бураціна: Ну не ведаю, а ці ведаюць дзеці літары?
Вядучы: Мы цябе песню праспяваем і адкажам на твае пытанні.
Песня “Алфавіт”
Бураціна: Добра, літары вы ведаеце, а лічыць вы ўмееце?
А вось у мяне есць лічбы, пагуляем з імі?
Гульня “Лічбы”
Мальвіна: Вось бачыш, Бураціна, дзеці ведаюць літары і лічбы, а яшчэ дзеці ведаюць, калі пачынаюцца ўрокі ў школе.
Песня “1 верасня”
Бураціна: Дзеці, вы сапраўды гатовы да школы! Я зразумеў, як цікава і карысна вучыцца. Вазьміце мяне з сабой, калі ласка.
Вядучы: Ну што дзеці, возьмем?
Дзеці: Так.
Мальвіна: Вось і добра! Дзякуй вам мае даражэнькія! Першага верасня ўсе разам і пойдзем. Чакай нас школа!
Вядучы: Музычныя інструменты бярыце і ўсіх павесяліце!
“Аркестр”
Бураціна: Мальвіна, пойдзем ужо, дапаможаш мне літары вывучыць і школьныя рэчы скласці.
Мальвіна: Абавязкова дапамагу. А вам, даражэнькія, я хачу сказаць.
Трэба многа ўсім вучыцца,
Трэба многа ведаў мець,
Можна свету таямніцы
Толькі з імі зразумець.
Мальвіна і Бураціна: Да пабачэння. Поспехаў вам!
Пад музыку героі выходзяць з залы.
Дзіця:
У дзіцячы садок
Прыйшоў школьны званок,
З цеплынёй твайго двара
Развітацца нам пара!
Песня “Дзынь-дзынь, школьны званок”
Дзіця:
Мы ўсе дзякуй скажам вам –
Выхавацелям, сябрам,
З намі песні хто спяваў,
Хто абеды гатаваў.
Гучна пляскайце ў далоні,
Не хвалюйцеся за нас,
Вальс прыгожы мы пакажам,
Мы ніколі не забудзем вас!
“Вальс”
Пажаданні выхавальніка. Дзеці пад музыку выходзяць з залы.
Предложить публикацию