З нагоды Дня Канстытуцыі, які будзе адзначаць наша краіна 15 сакавіка, у Хвінявіцкім дзіцячым садзе – сярэдняй школе Дзятлаўскага раёна прайшоў турнір “Канстытуцыя – асноўны закон Рэспублікі Беларусь”.
Самыя знаходлівыя, дасціпныя навучэнцы 8–11-х класаў сабраліся разам, каб замацаваць і пашырыць веды пра канстытуцыйныя асновы краіны. Удзельнічаючы ў турніры, падлеткі паказалі не толькі свае інтэлектуальныя здольнасці і ўменне працаваць дружна і зладжана ў камандзе, але і выказалі паважлівыя адносіны да законаў і сімвалаў сваёй дзяржавы. Падчас мерапрыемства было зазначана, што Канстытуцыя Рэспублікі Беларусь увабрала ў сябе лепшы вопыт сучаснай законатворчасці. Навучэнцы падкрэслілі важнае значэнне Канстытуцыі для жыцця грамадства і дзяржавы.
Бібліятэкар А.І.Сіўко прэзентавала тэматычную выставу кніг “І абавязак наш, і права ў дакуменце тым жывуць: Закон адзіны для дзяржавы, што Канстытуцыяй завуць”.
Навучэнцы зрабілі выснову, што ад кожнага з нас залежыць, якой будзе наша краіна, яе будучыня. Калі мы будзем жыць па законах дзяржавы, выконваць абавязкі, ускладзеныя на нас Канстытуцыяй, тым самым мы зробім Беларусь моцнай і квітнеючай дзяржавай.
Таццяна ЖЫНКО,
настаўнік
Хвінявіцкага дзіцячага сада – сярэдняй школы
Дзятлаўскага раёна
Предложить публикацию