Цікава і пазнавальна прайшло святкаванне Дня Касманаўтыкі ў спецыяльнай групе для дзяцей з цяжкімі парушэннямі маўлення Нягневіцкага ясляў-сада Навагрудскага раёна.
Выхавальнікі правялі з дзецьмі пазнавальную гутарку пра планету Зямля, пра тое, што гэта адзіная вядомая нам заселеная планета. Падчас чытання казкі “Пра знаходлівую дзяўчынку і шчодрае сонца” даведаліся, што Сонца – гэта самая яркая зорка. З цікавасцю слухалі аповед пра Юрыя Гагарына, першага чалавека, які паляцеў у космас і пра нашых беларускіх касманаўтаў.
Дзеці з задавальненнем збіралі пазлы, майстравалі з лічыльных палачак касмічныя ракеты, лунаходы, размалёўвалі расфарбоўкі, гулялі ў рухомыя гульні “Чакаюць нас хуткія ракеты”, “Касманаўты”.
Для бацькоў выхавальнікі аформілі папку-перасоўку “Міжнародны Дзень Касманаўтыкі”.
Хочацца верыць, што, гледзячы на неба вечарам або ноччу, дзеці не будуць баяцца марыць і фантазіраваць, пазнаваць і даследаваць.
С.А.МІХАЛКЕВІЧ
выхавальнік
Нягневіцкага ясляў-сада
Навагрудскага раёна
Предложить публикацию