6 верасня ў Смаргонскім дашкольным цэнтры развіцця дзіцяці праходзіў Дзень беларускай мовы. Музычныя заняткі таксама не засталіся у старонцы.
Адна з мэт дашкольнай адукацыі – гэта фарміраванне ўстойлівай цікавасці і станоўчых адносін да беларускай мовы, жадання авалодаць ёю. Чым раней дзеці чуюць беларускую мову, тым вальней яны будуць карыстацца ёю ў далейшым.
Выхаванцаў сярэдняй і старшай групы сустракаў у музычнай зале бадзёры марш. Дзеці віталіся беларускай распеўкай-прывітанкай. Знаёміліся і вучылі песні на беларускай мове “Арэшкі” (сярэдняя група), “Восень” (старшая група) на словы В.Жуковіча і музыкуа Э.Казачкова. З вялікім захапленнем гулялі ў песню-гульню “Мікіта”, “Сонейка і дожджык”. Дзеці гралі на музычных інструментах, пазнаёміліся з гісторыяй дудкі. Выхаванцы старшай групы пазнаёмілася і пачалі вывучаць беларускі народны танец “Лявоніха”.
Дзеці былі вельмі актыўнымі, з вялікім захапленнем спявалі песні, танцавалі, гулялі ў гульні, стараліся размаўляць на беларускай мове.
Юлія ЯНКОЎСКАЯ,
музычны кіраўнік
Смаргонскага ДЦРД
Предложить публикацию