У Навагрудскім раённым цэнтры культуры і народнай творчасці адбылося шанаванне лепшых школьнікаў і педагогаў раёна – штогадовая цырымонія “Трыумф–2022”. Прэміяй была адзначана і дзевяцікласніца Шчорсаўскага дзіцячага сада – сярэдняй школы Навагрудскага раёна Кацярына Раманюк.
Заслужаныя ўзнагароды прымалі пераможцы прадметных алімпіяд і спартыўных спаборніцтваў рэспубліканскага, абласнога і раённага ўзроўняў, пераможцы абласнога конкурсу даследчых работ “Крыштальная Альфа”.
Памятнага знака цырымоніі “Трыумф–2022” і прэміі Навагрудскага раённага выканаўчага камітэта была ўдастоена і вучаніца 9-га класа Шчорсаўскага дзіцячага сада – сярэдняй школы Кацярына Раманюк – пераможца абласнога конкурсу даследаванняў “Крыштальная Альфа” ў секцыі “Беларуская мова”. Падзячнае пісьмо Юрыю Раманюку, бацьку Кацярыны, уручылі намеснік старшыні Навагрудскага райвыканкама Святлана Каролька і начальнік упраўлення адукацыі Людміла Мароз.
Шмат прыемных эмоцый падарыла гэта цырымонія, а таксама прынесла адчуванне гордасці за плённую працу вучняў і педагогаў. З’явіўся добры матыў рухацца наперад і не спыняцца на дасягнутым.
Наталля ПАЧАБУТ,
намеснік дырэктара па вучэбнай рабоце
Шчорсаўскага дзіцячага сада – сярэдняй школы
Навагрудскага раёна
Предложить публикацию