У Любчанскім дашкольным цэнтры развіцця дзіцяці Навагрудскага раёна педагогі вырашылі адкрыць “Кніжную хатку”, каб развіваць цікавасць да кніг. Карыстацца бібліятэкай могуць не толькі дзеці, але і іх бацькі.
Перабраўшы шмат варыянтаў, педагогі вырашылі стварыць “Кніжную хатку” для абмену дзіцячымі кнігамі. Там бацькі могуць узяць любую кнігу і пачытаць яе сваім дзецям, а таксама падзяліцца кнігай з іншымі.
“Кніжная хатка” вельмі спадабалася, малышы пачалі больш верыць у цуды, бо кожны раз, аставіўшы сваю кнігу, на яе месцы можна знайсці новую.
Такім чынам мы прывіваем не толькі любоў да новых кніг, але і знаходзім прымяненне старэнькім. А што самае прыемнае, дзецям вельмі падабаецца абменьвацца кнігамі.
Вераніка АЛЯШКЕВІЧ,
выхавальнік
Любчанскага дашкольнага цэнтра развіцця дзіцяці
Навагрудскага раёна
Предложить публикацию