“Усё новае — даўно забытае старое” — прымаўка, якую можна аднесцi да беларускiх народных свят. Дашкольны ўзрост найбольш спрыяльны для далучэння дзяцей да беларускай народнай культуры. Цэлы тыдзень выхаванцы ясляў-сада аграгарадка Раманавiчы Магiлёўскага раёна рыхтавалiся да правядзення народнага свята “Вячоркi”.
Дзецi разам з выхавальнікамі наведвалi “Беларускую хатку”, дзе пазнаёмiлiся з творчасцю беларускiх майстроў, вучылi прыказкi i прымаўкi, вершы на роднай мове, спявалi песнi i слухалi творы беларускiх кампазiтараў, рыхтавалi атрыбуты да надыходзячага свята.
Нельга было не заўважыць хвалявання дзяцей, тым больш што на свята запрасiлi выхаванцаў малодшых груп. I вось прыгожа прыбраныя ў беларускiя касцюмы дзецi i выхавальнікі распачалі вячоркi. Ад беларускiх песень i танцаў стала светла на душы, а гульнi стварылi вясёлы настрой. Гасцiнныя Гаспадар (выхавальнік Алена Уладзiмiраўна Паляшчук) i Гаспадыня (выхавальнік Анастасiя Уладзiмiраўна Навасёлава) былi рады гасцям i частавалi традыцыйнымi беларускiмі стравамi. Не змаглi ўседзець на месцы i госцi свята — усе разам задорна выканалі беларускую народную польку.
Словы падзякi ад дзяцей пачула i музычны кiраўнiк Марына Леанiдаўна Емяльянава, якая арганiзавала “Вячоркi”. Калi свята скончылася, нiхто не спяшаўся разыходзiцца. Хацелася i далей слухаць меладычную беларускую мову, размаўляць на ёй i адчуваць любоў да сваёй Радзiмы, каб з гордасцю сказаць “Я БЕЛАРУС!”.
Алеся ФIЛIПЕНКА,
намеснiк загадчыка па асноўнай дзейнасцi
ясляў-сада аграгарадка Раманавічы Магілёўскага раёна
Предложить публикацию