15 лютага адзначаецца Дзень памяці воінаў-інтэрнацыяналістаў. У рамках запланаваных у краіне мерапрыемстваў Рэспубліканскай дэкады грамадзянска-патрыятычных спраў “Афганістан у лёсах нашых землякоў” у Навагрудскай спецыяльнай школе-інтэрнаце для вучняў 6–8-х класаў праведзена музыкальна-літаратурная кампазіцыя “Рэха афганскай вайны”.
З выхаванцамі правялі работу па карце, тлумачылі, дзе знаходзіцца Афганістан, расказалі пра прычыны пачатку вайны і як яна праходзіла.
Падчас мерапрыемства гучалі вершы пра Афганістан і герояў гэтай вайны, дзеці слухалі музыку ансамбля “Блакітныя берэты”, праглядзелі прэзентацыю “Афганістан – наш боль” і відэа “Чорны цюльпан” з выкананнем песні А.Разенбаўма.
Таксама падчас правядзення мерапрыемства работнік школы Таццяна Драпала падзялілася ўспамінамі пра свайго мужа, які выконваў свой інтэрнацыянальны доўг у Афганістане. Таццяна Вячаславаўна пакінула для школьнага музея медалі і некаторыя фотаздымкі свайго мужа, звязаныя з той страшнай вайной.
Скончылася мерапрыемства хвілінай маўчання.
Вольга РАДЧАНКА,
выхавальнік Навагрудскай спецыяльнай школы-інтэрната
для дзяцей з цяжкімі парушэннямі мовы ,
парушэннямі псіхічнага развіцця , цяжкасцямі ў навучанні,
кіраўнік аб’яднання па інтарэсах “Мая Бацькаўшчына”
Предложить публикацию