Рэктары Бухарскага дзяржаўнага ўніверсітэта, Бухарскага інжынерна-тэхналагічнага інстытута і Бухарскага медыцынскага інстытута сустрэліся з рэктарам, дэканамі і загадчыкамі кафедрамі Полацкага дзяржаўнага ўніверсітэта.
Замежныя партнёры ПДУ, азнаёміліся з навукова-тэхнічнай базай і лабараторыямі факультэтаў. Турыстычны цэнтр універсітэта арганізаваў для ганаровых гасцей самае сапраўднае падарожжа ў часе.
Супрацоўніцтва ў сферы вышэйшай адукацыі Бухарскага інжынерна-тэхналагічнага інстытута і Полацкага дзяржаўнага ўніверсітэта накіравана на ўстанаўленне кантактаў і выпрацоўку канкрэтных форм узаемадзеяння ў адукацыйнай сферы з профільнымі кафедрамі, павышэнне кваліфікацыі і прафесійнай перападрыхтоўкі прафесарска-выкладчыцкага складу, арганізацыю і забеспячэнне праграм стажыровак, абменаў студэнтамі і выкладчыкамі, у тым ліку ў рамках ажыццяўлення выкладчыцкай дзейнасці, чытання лекцый, правядзення вучэбных семінараў.
У супрацоўніцтве з замежнымі партнёрамі былі падрыхтаваны і выдадзены сумесныя вучэбныя дапаможнікі і падручнікі, арганізавана летняя школа ўніверсітэтаў.
Партнёрства дазволіць павысіць узровень навукова-даследчай дзейнасці ў напрамку ўзаемнага інфармавання і накіравання запрашэнняў да ўдзелу ў міжнародных канферэнцыях, вэбінарах, семінарах, спецыялізаваных выставах. У прыватнасці, плануецца актывізаваць супрацоўніцтва маладых вучоных і ўзаемнае рэцэнзаванне навуковых, вучэбна-метадычных матэрыялаў, навуковых публікацый. Узаемадзеянне ПДУ і БухІТІ забяспечыць культурны, сацыяльны і навуковы рост абедзвюх УВА.
Паліна КАСАРЭЎСКАЯ
Фота аўтара